অসমৰ আটাইতকৈ পৰিচ্ছন্ন গাঁওঃচিক্দামাখা (Shikdamaka)

  •বুবুল শৰ্মা

চিক্দামাখা যাৰ অৰ্থ তিৱা ভাষাত hiloks of traps অৰ্থাৎ টিলাৰ ফান্দ৷ এই চৌদিশে পাহাৰ-টিলাৰে আবৰি থকা গাঁওখনত বাস কৰা পাহাৰীয়া তিৱাসকলৰ লোকবিশ্বাসৰ মতে অতীজত এই গাঁওখনত হেনো অপদেৱতাই মানুহ ধৰিবলৈ ফান্দ পাতিছিল৷ গাঁওখনৰ নামটোৰ সৈতে এনে অন্ধবিশ্বাস জঢ়িত হৈ থাকিলেও – পশ্চিম কাৰ্বিআংলং জিলাৰ বৈঠালাংছুৰ আমচাই ভেলীত থকা এই গাঁওখনে আজুৰি নিলে অসমৰ আটাইতকৈ পৰিস্কাৰ-পৰিচ্ছন্ন গাঁৱৰ সন্মান৷ গুৱাহাটীৰ পৰা এই গাঁওখনলৈ মাত্ৰ ৮০ কিলোমিটাৰ বাট৷উলুকুঞ্চিৰ উমচ’ৱাইত ৷নেলীয়েদি উলুকুঞ্চিৰ ৰাস্তাত সোমাই আহিব লাগে ৷ মাত্ৰ ৩৫ কিমি ৷ ভাল ৰাস্তা। নভেম্বৰ মাহৰ প্ৰথম আৰু দ্বিতীয় সপ্তাহত আহিলে আপুনি উমৰুলৈ যাব পাৰে ৷ লাখ লাখ পৰিভ্ৰমি আমুৰ ফেলকন আকাশত উৰি থকা দেখিবলৈ পাব ৷ আধাঘণ্টাৰ বাট ৷ এই গাওঁখনৰ জলবায়ু ঠাণ্ডা ৷ গৰমৰ দিনতো পাংখা নালাগে।

RelatedPosts

Hindenburg Research Shuts Down: The End of an Era in Activist Short Selling!

January 18, 2025

Israel’s Cabinet Approves Ceasefire Deal in Gaza and Hostage Release

January 18, 2025

Comparative Legal Analysis of the Role of Artificial Intelligence in Human Rights Protection

January 12, 2025

আমি জানো যে মেঘালয়ৰ মাওলেনং পৰিচ্ছন্ন গাঁও হিচাপে জনাজাত৷ সম্প্ৰতি পৰ্যটনৰ সোঁত বঢ়াৰ লগে লগে গাঁওখনত ভীৰ কৰি তুলিছে হোটেল-ৰেষ্টুৰা আদিয়ে৷চিকদামাকা গাঁৱত বাস কৰে প্ৰায় এশঘৰ পাহাৰীয়া তিৱা মানুহে৷ জনসংখ্যা প্ৰায় ছয়শ৷শিক্ষাৰ হাৰ ৭৫.১৫%৷ ২০১০ চন মানৰ পৰা এই গাঁওখনে পৰিচ্ছন্নতাৰ ব্ৰত গ্ৰহণ কৰে৷ উল্লেখযোগ্য যে ২০১০ চনৰ আগতে গাঁওখন আবৰ্জনামুক্ত গাঁও নাছিল৷ ২০১০ চনৰ বৰদিনৰ আগদিনা গাঁৱৰ ৰাইজে চাফাই অভিযান সমিতি এখন গঠন কৰে৷ ২০১২ চনত চেণ্ট এণ্টনি ইয়ুথ এচছিয়েছ্যনৰ উদ্যোগত গাঁৱত আৰম্ভ হয় পৰিচ্ছন্নতাৰ প্ৰতিযোগিতা৷ দেশৰ ভিতৰতে

আপোন গাঁওখনক এক নম্বৰ পৰিচ্ছন্ন গাঁও হিচাপে প্ৰতিষ্ঠা কৰাৰ স্বাৰ্থত প্ৰতিজন গাঁওবাসীয়ে কঁকালত টঙালি বান্ধে৷ গাঁৱৰ বাটত সঘনাই ঝাৰু চলিবলৈ আৰম্ভ হয়৷ এই অগতানুগতিক তথা ইতিবাচক প্ৰতিযোগিতাখনে গাঁওবাসীৰ মন-মগজুত প্ৰতিষ্ঠা কৰে পৰিস্কাৰ-পৰিচ্ছন্নতাৰ অভ্যাস৷ গাঁৱত গঞা ৰাইজে প্লাষ্টিকৰ ব্যৱহাৰ নিষিদ্ধ ঘোষণা কৰে৷ মুকলি ঠাইত মল ত্যাগ নিষিদ্ধ কৰে৷ প্ৰতিঘৰ মানুহে ঘৰতে সাজি লয় পকী শৌচালয়৷ চৰকাৰ বা প্ৰশাসনলৈ কোনেও আশা পালি ৰৈ নাথাকিল৷ চৌদিশে কৰ’না মহামাৰীৰ সময়ত গাঁওখনৰ এজন মানুহকো কৰ’নাই স্পৰ্শ কৰিবলৈ সুযোগ নাপালে৷চেনিটাইজাৰ-মাক্স গঞা ৰাইজে নিজে যোগাৰ কৰি ব্যৱহাৰ কৰিলে৷

 ২০১৬চনত অসম চৰকাৰে এই গাঁওখনক ৰাজ্যখনৰ আটাইতকৈ পৰিচ্ছন্ন গাঁও হিচাপে স্বীকৃতি দিয়ে৷ গাঁওখনৰ পৰিস্কাৰ-পৰিচ্ছন্নতা আৰু নৈসৰ্গিক দৃশ্যই পৰ্যটকৰ মনক সন্তুষ্টি দিবলৈ সক্ষম হৈছে৷ গাঁওখনৰ কাষতে আছে Palakhongon নামৰ ঠাই৷ ইয়াৰ পৰা Umswai Vallyৰ মনোমোহা ৰূপ চকুত পৰে৷পৰ্যটকৰ বাবে এই দৃশ্যাৱলী বৰ মনোমোহা৷ তদুপৰি Tiwa Monolith অৰ্থাৎ গাঁওখনত আছে কিছু শিলাখণ্ড৷ প্ৰতি বছৰে তিৱাসকলে সেই ঠাইত পূৰ্বপুৰুষ সকলক সুঁৱৰি এযোৰা শিলাখণ্ড প্ৰতিষ্ঠা কৰে৷ আহক, এই ঠাণ্ডাৰ দিন কেইটাতে চিকদামাকা গাঁওলৈ যাওঁ ৷ পৰিস্কাৰ-পৰিচ্ছন্ন গাঁওখনৰ এই সুন্দৰ বাৰ্তা অসমৰ প্ৰতিখন গাঁৱলৈ কঢ়িয়াই নিও আহক৷

[ বি.দ্ৰ: গাঁওখনত হোম ষ্টে আছে ৷ ফোন নং 7896682083 Mrs Phrisila Maslai. বৰ্তমান তিনিটা ৰূম আছে ৷ এই ফোনত আৰু দুদিনৰ পিছৰ পৰা যোগাযোগ কৰিব পাৰিব৷]