অসম পৰ্বতাৰোহণ সন্থাক ডিগবৈ তেল শোধনাগাৰৰ উন্নতমানৰ নাওঁ অৰ্পণ

অসম পৰ্বতাৰোহণ সন্থা

মানস বৰুৱা

Manas Barua AMA — মানস বৰুৱা, সাধাৰণ সম্পাদক
(অসম পৰ্বতাৰোহণ সন্থা)

গুৱাহাটী, ৩১ আগষ্টঃ ভাৰতীয় তেল নিগমৰ (আই অ’ চি এল) অধীনস্থ ডিগবৈ তেল শোধনাগাৰে অসম পৰ্বতাৰোহণ সন্থাক এখন অত্যাধুনিক প্ৰযুক্তিৰ উন্নত নাওঁ (ৰাফ্‌ট) প্ৰদান কৰে৷

দুঃসাহসিক ক্ৰীড়াৰ প্ৰশিক্ষণ লগতে দুৰ্যোগৰ সময়ত দুৰ্গতজনক উদ্ধাৰ কৰিব পৰাকৈ সহায়ক হোৱা এই নাওঁখন কালি সন্থাৰ কাৰ্যালয়ত আনুষ্ঠানিকভাৱে প্ৰদান কৰে ডিগবৈ তেল শোধনাগাৰৰ মুখ্য মহাপ্ৰবন্ধক তথা শোধনাগাৰটোৰ মুৰব্বী কিশোৰ কুমাৰ শৰ্মাই৷

অসম পৰ্বতাৰোহণ সন্থাই বিগত সময়তৰ দুঃসাহসিক ক্ৰীড়াৰ লগতে বান সাহাৰ্য আৰু দুৰ্গতজনক উদ্ধাৰৰ সময়ত প্ৰশাসনক সহায় কৰি অহাৰ বাবে তেল শোধনাগাৰটোৱে সন্থাৰ সহায়ক হোৱাকৈ এই উন্নতমানৰ নাওঁখন প্ৰদান কৰে৷

গো মাংস নিষিদ্ধৰ ফলত মুছলমানৰ ক্ষতি নহয়

December 8, 2024

অসম পৰ্বতাৰোহণ সন্থাৰ মুখ্য উপদেষ্টা সত্যন শৰ্মাৰ সভাপতিত্বত অনুষ্ঠিত এখন সভাত তেল শোধনাগাৰটোৰ মুখ্য মহাপ্ৰৱন্ধক কিশোৰ কুমাৰ শৰ্মাই কয় যে অসম পৰ্বতাৰোহণ সন্থাই কেৱল পৰ্বতাৰোহণৰ প্ৰশিক্ষণ আৰু দুঃসাহসিক ক্ৰীড়াৰ প্ৰশিক্ষণ দিয়াতে সীমাবদ্ধ নাথাকি বিভিন্ন সময়ত দুৰ্গতজনক সহায়ো কৰি আহিছে৷ ভাৰতীয় তেল নিগমে অসম পৰ্বতাৰোহণ সন্থাৰ কৰ্মত সহযোগ কৰিবলৈ পাই নথৈ আনন্দিত হোৱা বুলিও তেওঁ কয়৷

ইফালে সন্থাই এই নাওখন দুঃসাহসিক ক্ৰীড়াৰ প্ৰশিক্ষণৰ উপৰি দুৰ্যোগৰ সময়তো ব্যৱহাৰ কৰিব বুলি প্ৰকাশ কৰে৷ অনুষ্ঠানত নুমলীগড় তেল শোধনাগাৰৰ প্ৰাক্তন উপ মহাপ্ৰৱন্ধক প্ৰনৱ কুমাৰ শৰ্মা, কামৰূপ মহানগৰ জিলা দুৰ্যোগ প্ৰশমন কৰ্তৃপক্ষৰ প্ৰকল্প বিষয়া কৌস্তভ তালুকদাৰ, জ্যেষ্ঠ সাংবাদিক নয়ন প্ৰতীম কুমাৰ আদিও উপস্থিত থাকে৷

01-09-2022

Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)