ইছলাম বিশ্বৰ ক্ষোভঃ বিজেপিয়ে মুখপাত্ৰক লেকাম লগাবলৈ বাধ্য হৈছে

মুখপাত্ৰক লেকাম

মোহন খাউণ্ড

বিজেপিৰ দুজন মুখপাত্ৰৰ অতি সাম্প্ৰদায়িক মন্তব্যক কেন্দ্ৰ কৰি ভাৰত আৰু ভাৰত চৰকাৰ যিদৰে আন্তৰ্জাতিক মহলত নিন্দিত হৈছে, সেই ঘটনাই চৰম বিপৰ্য্যস্ত কৰি তুলিছে সাফল্যৰ ৮ বছৰৰ জয়গীত গাই গাই অমৃতকালত ‘স্বাধীনতাৰ ৭৫ বছৰ’ উদযাফন কৰি থকা মোডী চৰকাৰক।

Media and its influence on issues related to climate change

January 18, 2026

“দ্যা গ্ৰেজুৱেট”ৰ পৰা বিশ্বব্যাপী সংকটলৈ: প্লাষ্টিক আৰু বিশ্ব পৰিৱেশ দিৱস

January 17, 2026

The Unrelenting Heat: 2025 Marks Third-Warmest Year on Record Amid La Niña Cooling

January 15, 2026

সেইবাবে এতিয়া বিজেপিয়ে মুখপাত্ৰ সকলৰ মুখত লেকাম লগাবলৈ তৎপৰ হৈ পৰিছে। কাৰণ এনে এক ‘অমৃতকাল’ত দুজন অত্যুৎসাহী মুখপাত্ৰৰ মুখেৰে নিৰ্গত বিষবাষ্পই মোডী চৰকাৰৰ ৮ বছৰ পূৰ্তি উৎসৱৰ সাফল্যক যিদৰে লাইনচ্যুত কৰিলে, সেয়া বদহজম হৈ পৰিছে বিজেপি আৰু মোডী চৰকাৰৰ। গতিকে এতিয়া সিদ্ধান্ত গ্ৰহণ কৰা হৈছে,যেতিয়াই তেতিয়াই যি কোনো নেতাই মেডিয়াৰ সন্মুখত যাতে যি কোনো মন্তব্য নকৰে।

এতিয়াৰে পৰা বিজেপিৰ মেডিয়া চেল-এ বাচনি কৰি দিয়া মুখপাত্ৰ সকল যাব পাৰিব যিকোনো ‘পেনেল ডিচকাশ্বন’লৈ। আৰু তেওঁলোকেও কোনো ধৰ্মীয় আবেগক আঘাত কৰি কোনো মন্তব্য কৰিব নোৱাৰিব।

ইছলাম বিশ্বৰ ক্ষোভঃ বিজেপিয়ে মুখপাত্ৰক লেকাম লগাবলৈ বাধ্য হৈছে

আনহাতে বুধবাৰে, ৮ জুন ২০২২ তাৰিখে এক নতুন বিতৰ্ক আৰম্ভ হৈছে। যি মুখপাত্ৰৰ বিষাক্ত মুখৰ বাবে আৰৱ বিশ্বৰ লগতে আন্তৰ্জাতিক মহলত ভাৰতৰ আৰু মোডী চৰকাৰৰ ভাবমূৰ্তি মলিন হৈ পৰিছে তথা আন্তৰ্জাতিক বাণিজ্য আৰু সেই দেশবোৰত থকা ভাৰতৰ নাগৰিকৰ নিৰাপত্তাৰ প্ৰশ্ন উত্থাপন হৈছে, তেনে পটভূমিতো বিজেপিৰ বিষবাষ্প বিশাৰদ মুখপাত্ৰক গ্ৰেপ্তাৰ নকৰি বুধবাৰৰ পৰা বিশেষ পুলিচী নিৰাপত্তা প্ৰদান কৰা হৈছে – দিল্লী পুলিচৰ তৰফৰ পৰা!

অৰ্থাৎ, ভাৰত চৰকাৰৰ গৃহ বিভাগে নুপুৰ শৰ্মাক গ্ৰেপ্তাৰ নকৰি অধিক নিৰাপত্তা প্ৰদান কৰাৰ সিদ্ধান্তক লৈও এতিয়া বিৰোধী ৰাজনৈতিক দলৰ লগতে বিভিন্ন শুভবুদ্ধিসম্পন্ন মানুহে প্ৰশ্ন উত্থাপন কৰিছে, এহাতে ‘বহিষ্কাৰ’ আৰু আনহাতে ‘পুলিচী নিৰাপত্তা’! এনেদৰে আন্তৰ্জাতিক মহললৈ মোডী চৰকাৰে অপ্ৰীতিকৰ বাৰ্তা প্ৰেৰণ কৰিছে!

ইতিমধ্যে আৰৱ বিশ্বৰ নিন্দাৰ পাত্ৰ হোৱা ভাৰতক আৰু মোডী চৰকাৰক পুনৰ ভালেকেইখন দেশে জোকাৰি দিছে। মঙলবাৰে পুনৰ তুৰস্ক, লিবিয়া, মালয়েছিয়া, মালদ্বীপ, ইন্দোনেছিয়াই একেই পন্হা লোৱাত ভাৰত চৰকাৰৰ বাবে উদ্বেগ বাৰুকৈয়ে সৃষ্টি হৈছে। কাৰণ, দেওবাৰে কুৱেইট, বাহৰিন, ইৰাণ, কাতাৰ; তাৰপিছত সোমবাৰে চৌদি আৰৱ; মঙলবাৰে পুনৰ তুৰস্ক, লিবিয়া, মালয়েছিয়া, মালদ্বীপ, ইন্দোনেছিয়া (পাকিস্তান, আফগানিস্তান বাদেই দিলে যেনিবা)! এই দেশবোৰৰ লগত ভাৰতৰ দ্বিপাক্ষিক বাণিজ্যিক সম্পৰ্ক বহুকাল ধৰি বৰ্তি আছে।

গতিকে এতিয়া মোডী চৰকাৰ আৰু বিজেপিয়ে ‘দুৰ্যোগ নিয়ন্ত্ৰণ’ৰ বাবে আৰু কি কি পন্হা লয়, লক্ষ্য কৰিবলগীয়া হ’ব!

০৯-০৬-২০২২

Mahabahu.com is an Online Magazine with collection of premium Assamese and English articles and posts with cultural base and modern thinking.