ইলন মাস্কৰ টুইটাৰৰ মালিকীস্বত্ব আৰম্ভ হ’ল অব্যাহতি, অনিশ্চয়তাৰে!
মোহন খাউণ্ড
ইলন মাস্কৰ টুইটাৰৰ মালিকীস্বত্ব আৰম্ভ হ’ল
মোহন খাউণ্ড
ইলন মাস্কে বৃহস্পতিবাৰে (২৭-১০-২০২২) টুইটাৰ ইনকৰ্পৰেশ্যনৰ নতুন মালিক হৈ পৰে, আৰু তেওঁক বিপথে পৰিচালিত কৰাৰ অভিযোগ উত্থাপন কৰা শীৰ্ষ কাৰ্যবাহীসকলক চাকৰিৰ পৰা বৰ্খাস্ত কৰে আৰু প্ৰভাৱশালী ছ’চিয়েল মিডিয়া প্লেটফৰ্মৰ বাবে তেওঁ ৰূপৰেখা প্ৰস্তুত কৰা উচ্চ উচ্চাকাংক্ষা কেনেকৈ লাভ কৰিব সেই সম্পৰ্কে তেওঁ কিছু স্পষ্ট বক্তব্য প্ৰদান কৰে।
ইলেক্ট্ৰিক গাড়ী নিৰ্মাতা কোম্পানী টেছলা ইনকৰ্পৰেশ্যনৰ মুখ্য কাৰ্যবাহী বিষয়াই কয় যে তেওঁ টুইটাৰত ‘স্পেম বট’সমূহক “পৰাজিত” কৰিব বিচাৰে, ইয়াৰ ব্যৱহাৰকাৰীসকলৰ আগত ‘কন্টেন্ট’ কেনেকৈ উপস্থাপন কৰা হয় সেইটো নিৰ্ধাৰণ কৰা ‘এলগৰিদম’সমূহ ৰাজহুৱাভাৱে উপলব্ধ কৰিব বিচাৰে, আৰু প্লেটফৰ্মটোক ইকো চেম্বাৰত পৰিণত হোৱাত বাধা দিব বিচাৰে ঘৃণা আৰু বিভাজনৰ বাবে, চেঞ্চৰশ্বিপ সীমিত কৰাৰ দৰেই।
কিন্তু মাস্কে এই সকলোবোৰ কেনেকৈ অৰ্জন কৰিব আৰু কোম্পানীটো কোনে চলাব সেই সম্পৰ্কে বিতং তথ্য আগবঢ়োৱা নাই।
তেওঁ চাকৰি কৰ্তনৰ পৰিকল্পনা কৰা বুলি কৈছে, যাৰ ফলত টুইটাৰৰ প্ৰায় ৭৫০০ কৰ্মচাৰীয়ে নিজৰ ভৱিষ্যতক লৈ চিন্তাত পৰিছে।
বৃহস্পতিবাৰে তেওঁ লগতে কয় যে তেওঁ অধিক ধন ঘটাৰ বাবে টুইটাৰ ক্ৰয় কৰা নাই বৰঞ্চ “মই ভালপোৱা মানৱতাক সহায় কৰিবলৈ চেষ্টা কৰাৰ বাবেহে কৰিছো”।
বিষয়টোৰ সৈতে পৰিচিত লোকসকলে জনোৱা মতে, মাস্কে টুইটাৰৰ মুখ্য কাৰ্যবাহী পৰাগ আগৰৱালা, মুখ্য বিত্তীয় বিষয়া নেড ছেগাল আৰু আইনী বিষয় আৰু নীতিৰ মুৰব্বী বিজয়া গাড্ডেক চাকৰিৰ পৰা বৰ্খাস্ত কৰে।
ছ’চিয়েল মিডিয়া প্লেটফৰ্মত ভুৱা একাউণ্টৰ সংখ্যাক লৈ তেওঁক আৰু টুইটাৰ বিনিয়োগকাৰীক বিপথে পৰিচালিত কৰাৰ অভিযোগ উত্থাপন কৰিছিল।
সূত্ৰসমূহে লগতে জনোৱা মতে, চুক্তি সম্পন্ন হোৱাৰ সময়ত আগৰৱালা আৰু ছেগাল টুইটাৰৰ ছান ফ্ৰান্সিস্কোৰ মুখ্য কাৰ্যালয়ত আছিল আৰু তেওঁলোকক বাহিৰলৈ লৈ যোৱা হৈছিল।
টুইটাৰ, মাস্ক আৰু কাৰ্যবাহীসকলে মন্তব্যৰ বাবে কৰা অনুৰোধৰ তৎক্ষণাত কোনো সঁহাৰি নিদিলে।
৪৪ বিলিয়ন ডলাৰৰ এই অধিগ্ৰহণটো হৈছে ‘টুইষ্ট’ আৰু জিলাপী পাকেৰে ভৰা এক উল্লেখযোগ্য কাহিনীৰ শিখৰত উপনীত হোৱা, যিবোৰে, মাস্কে এই চুক্তি সম্পূৰ্ণ কৰিব নে নাই সেই সন্দৰ্ভত সন্দেহৰ বীজ সিঁচিছিল। ৪ এপ্ৰিলত এয়া আৰম্ভ হৈছিল, যেতিয়া মাস্কে কোম্পানীটোৰ ৯.২% অংশীদাৰিত্ব অৰ্জন কৰিছিল, যাৰ ফলত তেওঁ কোম্পানীটোৰ সৰ্ববৃহৎ শ্বেয়াৰহোল্ডাৰ হৈ পৰিছিল।
তাৰ পিছত বিশ্বৰ আটাইতকৈ ধনী ব্যক্তিজনে টুইটাৰৰ ব’ৰ্ডত যোগদান কৰিবলৈ সন্মত হয়, মাথোঁ শেষ মুহূৰ্তত হতবাক কৰি ইয়াৰ পৰিৱৰ্তে প্ৰতি শ্বেয়াৰত ৫৪.২০ ডলাৰত কোম্পানীটোক ক্ৰয় কৰাৰ প্ৰস্তাৱ দিয়ে, যিটো প্ৰস্তাৱ টুইটাৰে মাস্কৰ আন এটা কৌতুক বুলি ব্যাখ্যা কৰিব নে নকৰে সেই বিষয়ে নিশ্চিত নাছিল।
মাস্কৰ প্ৰস্তাৱটো আছিল বাস্তৱিক, আৰু এপ্ৰিল মাহৰ পিছত মাত্ৰ এটা সপ্তাহৰ ভিতৰতে তেওঁ পৰামৰ্শ দিয়া মূল্যত দুয়োপক্ষই চুক্তিত উপনীত হয়। মাস্কে কোম্পানীটোৰ গোপনীয় তথ্যৰ ওপৰত কোনো ধৰণৰ যথাযথ পৰিশ্ৰম নকৰাকৈয়ে এনেকুৱা হৈছিল, যিদৰে এটা অধিগ্ৰহণত প্ৰচলিত হয়।
তাৰ পিছৰ সপ্তাহকেইটাত মাস্কে দ্বিতীয়বাৰৰ বাবে চিন্তা কৰিলে। তেওঁ ৰাজহুৱাভাৱে অভিযোগ কৰিছিল যে তেওঁৰ মতে টুইটাৰৰ ‘স্পেম একাউণ্ট’সমূহ নিয়ন্ত্ৰণমূলক ‘ফাইলিঙ’ত প্ৰকাশ কৰা টুইটাৰৰ অনুমানতকৈ যথেষ্ট বেছি, ইয়াৰ মুদ্ৰাকৰণযোগ্য দৈনিক সক্ৰিয় ব্যৱহাৰকাৰীৰ ৫%তকৈও কম। ইয়াৰ পিছতে তেওঁৰ অধিবক্তাসকলে টুইটাৰে এই বিষয়ত তথ্যৰ বাবে কৰা অনুৰোধ মানি নচলাৰ অভিযোগ উত্থাপন কৰে।
এই তীব্ৰতাৰ ফলত মাস্কে ৮ জুলাইত টুইটাৰক জাননী দিছিল যে টুইটাৰে তেওঁক বটসমূহৰ বিষয়ে বিপথে পৰিচালিত কৰা আৰু সহযোগিতা নকৰাৰ ভিত্তিত তেওঁলোকৰ চুক্তি বন্ধ কৰি দিছে। চাৰি দিনৰ পাছত টুইটাৰে কোম্পানীটো নিগম কৰা ডেলাৱেৰত মাস্কৰ বিৰুদ্ধে গোচৰ তৰি চুক্তি সম্পূৰ্ণ কৰিবলৈ বাধ্য কৰে।
তেতিয়ালৈকে ছ’চিয়েল মিডিয়া কোম্পানী আৰু বহল শ্বেয়াৰ বজাৰৰ শ্বেয়াৰসমূহ এই উদ্বেগত ডুব গৈছিল যে ফেডাৰেল ৰিজাৰ্ভৰ সুতৰ হাৰ বৃদ্ধিয়ে, মুদ্ৰাস্ফীতিৰ বিৰুদ্ধে যুঁজিবলৈ চেষ্টা কৰি, আমেৰিকাৰ অৰ্থনীতিক মন্দাৱস্থাৰ দিশলৈ ঠেলি দিব। টুইটাৰে মাস্কক ক্ৰেতাৰ অনুশোচনাৰ অভিযোগ উত্থাপন কৰি যুক্তি দিছিল যে তেওঁ অতিৰিক্ত ধন পৰিশোধ কৰা বুলি ভবাৰ বাবেই তেওঁ চুক্তিৰ পৰা ওলাই আহিব বিচাৰে।
বেছিভাগ আইনী বিশ্লেষকে কয় যে টুইটাৰত আটাইতকৈ শক্তিশালী যুক্তি আছে আৰু আদালতত ইয়াৰ প্ৰাধান্য হোৱাৰ সম্ভাৱনা আছে। আগষ্ট মাহত টুইটাৰৰ প্ৰাক্তন নিৰাপত্তা মুৰব্বী পাইটাৰ জাটকোৱে হুইছল ব্ল’ৱাৰ হিচাপে আগবাঢ়ি আহি কোম্পানীটোৱে নিজৰ সুৰক্ষা আৰু ডাটা গোপনীয়তাৰ দুৰ্বলতাসমূহ প্ৰকাশ কৰাত ব্যৰ্থ হোৱাৰ অভিযোগ উত্থাপন কৰাৰ পিছতো তেওঁলোকৰ মতামত সলনি নহ’ল।
৪ অক্টোবৰত টুইটাৰৰ অধিবক্তাসকলে মাহটোৰ শেষৰ ফালে তেওঁলোকৰ বিচাৰ আৰম্ভ হোৱাৰ পূৰ্বে মাস্কক পদচ্যুত কৰিবলৈ লোৱাৰ সময়তে তেওঁ আন এক ইউ-টাৰ্ণ প্ৰদৰ্শন কৰি প্ৰতিশ্ৰুতি অনুসৰি চুক্তি সম্পূৰ্ণ কৰাৰ প্ৰস্তাৱ দিয়ে। ডেলাৱেৰৰ ন্যায়াধীশে তেওঁক লেনদেন বন্ধ কৰিবলৈ আৰু বিচাৰৰ পৰা হাত সাৰিবলৈ ২৮ অক্টোবৰৰ সময়সীমা দিছিল।
‘চিফ টুইট’ গেস্টবুক
তেতিয়াৰ পৰাই মাস্কে চুক্তিৰ ‘হাইপ’টোক ভোগ কৰি আহিছে। বুধবাৰে তেওঁ ডাঙৰ হাঁহি এটা মাৰি চীনামাটিৰ ‘চিঙ্ক’ লৈ টুইটাৰৰ মুখ্য কাৰ্যালয়ত সোমাইছিল, পৰৱৰ্তী সময়ত তেওঁ টুইট কৰিছিল “সেইটোক ডুব যাবলৈ দিয়ক”। তেওঁ নিজৰ টুইটাৰ প্ৰফাইলত নিজৰ বৰ্ণনা সলনি কৰি “চীফ টুইট” কৰিলে।
তেওঁ কৰ্মচাৰীসকলৰ মাজত বৃহৎ চাকৰিৰ পৰা ছুটী আহিব বুলি আশংকাও শান্ত কৰিবলৈ চেষ্টা কৰিছিল আৰু বিজ্ঞাপনদাতা সকলক আশ্বাস দিছিল যে টুইটাৰৰ কন্টেন্ট মডাৰেচন নিয়মৰ ওপৰত তেওঁৰ অতীত সমালোচনাই ইয়াৰ আবেদনৰ ক্ষতি নকৰে।
“টুইটাৰ স্পষ্টভাৱে সকলোৰে বাবে মুক্ত ‘হেলস্কেপ’ হ’ব নোৱাৰে, য’ত কোনো পৰিণতি নোহোৱাকৈ যিকোনো কথা ক’ব পাৰি!” বৃহস্পতিবাৰে বিজ্ঞাপনদাতাসকললৈ প্ৰেৰণ কৰা মুকলি পত্ৰত মাস্কে এইদৰে কয়।
মাস্কে ইংগিত দিছে যে তেওঁ টুইটাৰক এটা “ছুপাৰ এপ” সৃষ্টিৰ ভেটি হিচাপে লয় যিয়ে ধন স্থানান্তৰৰ পৰা আৰম্ভ কৰি বজাৰ কৰা আৰু ‘ৰাইড-হেলিং’লৈকে সকলো সুবিধা প্ৰদান কৰে।
১৯ অক্টোবৰত বিশ্লেষকসকলৰ সৈতে টেছলাৰ আহ্বানত মাস্কে কয় যে মোৰ দৃষ্টিত টুইটাৰৰ দীৰ্ঘম্যাদী সম্ভাৱনা ইয়াৰ বৰ্তমানৰ মূল্যতকৈ এক ক্ৰম বেছি।
কিন্তু টুইটাৰে ব্যৱসায়টোৰ বাবে অতি প্ৰয়োজনীয় নিজৰ আটাইতকৈ সক্ৰিয় ব্যৱহাৰকাৰীসকলক জড়িত কৰিবলৈ সংগ্ৰাম কৰি আছে। এই “গধুৰ টুইটাৰ”-এ সকলো মাহেকীয়া সামগ্ৰিক ব্যৱহাৰকাৰীৰ ১০% তকৈ কম ভাগ বহন কৰে যদিও সকলো টুইটৰ ৯০% আৰু বিশ্বৰ আধা ৰাজহৰ সৃষ্টি কৰে।
মাস্কে মে’ মাহত কৈছিল যে তেওঁ আমেৰিকাৰ কেপিটেলত আক্ৰমণৰ পিছত আঁতৰোৱা ড’নাল্ড ট্ৰাম্পৰ ওপৰত নিষেধাজ্ঞা প্ৰত্যাহাৰ কৰিব যদিও আমেৰিকাৰ প্ৰাক্তন ৰাষ্ট্ৰপতিগৰাকীয়ে প্লেটফৰ্মখনলৈ ঘূৰি নাহিব বুলি কৈছে। ইয়াৰ পৰিৱৰ্তে তেওঁ নিজাকৈ ছ’চিয়েল মিডিয়া ‘এপ ট্ৰুথ ছ’চিয়েল’ মুকলি কৰিছে।
বৃহস্পতিবাৰে নিউয়ৰ্কত টুইটাৰ শ্বেয়াৰৰ ব্যৱসায় সমাপ্ত হয় ০.৩% বৃদ্ধিৰে ৫৩.৮৬ ডলাৰত, যিটো প্ৰতি শ্বেয়াৰৰ চুক্তিৰ মূল্য ৫৪.২০ ডলাৰত সৰু ৰেহাই হয়। শুকুৰবাৰে নিউয়ৰ্ক ষ্টক এক্সচেঞ্জৰ পৰা এই ষ্টকটো তালিকাভুক্ত কৰা হ’ব।
28-10-2022
[Images from different sources]
Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)
Related Posts
Bhattadev University to Honor Assam Theatre Legend Krishna Roy with Inaugural Honorary Doctorate
Bhattadev University to Honor Assam Theatre Legend Krishna Roy with Inaugural Honorary Doctorate PEOPLE OF ASSAM ANJAN SARMA Anjan Sarma...
Read moreDetails
- Trending
- Comments
- Latest
Popular Stories
-
পৰিৱেশ সুৰক্ষা আৰু আমাৰ দায়িত্ব
-
জ্যোতি প্ৰসাদ আগৰৱালাৰ কবিতা
-
NEIPF Conference in Dibrugarh Adopts Jokai Declaration!
-
অসমীয়া জনজাতীয় সংস্কৃতিঃ সমন্বয় আৰু সমাহৰণ
-
দঁতাল হাতীৰ উঁয়ে খোৱা হাওদা
-
শ্ৰীমন্ত শংকৰদেৱৰ সাহিত্যৰাজি
-
অসমৰ বানপানী আৰু গৰাখহনীয়া
-
চাহ জনগোষ্ঠীয় গীত মাত, উৎসৱ-পাৰ্ৱণ, এটি পৰ্যালোচনা
-
লাচিত : শৰাইঘাটৰ যুদ্ধ আৰু ইয়াৰ ঐতিহাসিক তাৎপৰ্য
-
নাটকৰ ক্ৰমবিকাশ – এটি আলোকপাত
Mahabahu: An International Journal Showcasing Premium Articles and Thought-Provoking Opinions on Global Challenges—From Climate Change and Gender Equality to Economic Upliftment.