উত্তৰ পূৱ ক্ষেত্ৰ সাংস্কৃতিক কেন্দ্ৰৰ ‘কালছাৰেল ছিৰিজ’ অনুষ্ঠান ১১ জুনৰ পৰা

কালছাৰেল ছিৰিজ

Mahabahu Desk

১০ জুন, ২০২২,শিল্পগ্ৰাম, গুৱাহাটী : ভাৰত চৰকাৰৰ সাংস্কৃতিক মন্ত্ৰালয়ৰ অধীনস্থ ৭ (সাতটা) মাণ্ডলিক সাংস্কৃতিক কেন্দ্ৰৰ ভিতৰত উত্তৰ-পূব ক্ষেত্ৰ সাংস্কৃতিক কেন্দ্ৰ এক অগ্ৰণী অনুষ্ঠান । ১৯৮৬ চনত ইয়াৰ মুখ্য কাৰ্যালয় নাগালেণ্ডৰ ঐতিহ্যমণ্ডিত ডিমাপুৰত স্থাপন কৰা হৈছিল। কেন্দ্ৰটোৰ মূল উদ্দেশ্য হৈছে উত্তৰ-পূব অঞ্চলৰ চহকী সাংস্কৃতিক ঐতিহ্য সংৰক্ষণ, প্ৰচাৰ, প্ৰসাৰ আৰু সংবৰ্ধনকৰা।

২০০৬ চনত নিজৰ কাৰ্যকলাপৰ সম্প্ৰসাৰণ হিচাপে এন.ই. জেড.চি. চি.য়ে ঐতিহ্যমণ্ডিত শ্ৰীমন্ত শংকৰদেৱ কলাক্ষেত্ৰৰ পৱিত্ৰ ভূমিৰ এক অংশত মহান শিল্পী ৰূপকোঁৱৰ জ্যোতি প্ৰসাদ আগৰৱালাৰ মৃত্যু তিথি ১৭ জা‌নুৱাৰী তাৰিখে পাঞ্জাবাৰীত শিল্পগ্ৰাম-শিল্প গাঁও, গুৱাহাটীত শিল্পগ্ৰাম, শিল্পকলা গাঁও প্ৰতিষ্ঠা কৰে, যাৰ উদ্দেশ্য হৈছে কলা-সংস্কৃতিৰ ক্ষেত্ৰত পুৰুষ-মহিলাস উভয়কেই একত্ৰিত কৰি বিভিন্ন কলা-সাহিত্য-কৃষ্টি আৰু পৰম্পৰাৰ দিশত নিজৰ দক্ষতা প্ৰদৰ্শন কৰাৰ এক মঞ্চ প্ৰদান কৰা ।

শিল্পগ্ৰামৰ বাৰ্ষিক কাৰ্য্যসূচীৰ অংশ হিচাপে NEZCC য়ে গোটেই বছৰটো গুৱাহাটীৰ শিল্পগ্ৰামত বিভিন্ন কাৰ্যসূচী আয়োজন কৰি আহিছে NEZCC য়ে ২০২০-২১ আৰু ২০২১-২২ বৰ্ষত, কভিড-১৯ মহামাৰীৰ সময়ত গুৱাহাটীৰ শিল্পগ্ৰাম চৌহদত ভাৰ্চুৱেল কমিউনিটি কালছাৰেল প্ৰগাম- এ কালছাৰেল ছিৰিজ আয়োজন কৰা হৈছিল। যিহেতু, মহামাৰীৰ আগমনৰ লগে লগে, শিল্পী, কলা-সংস্কৃতিৰ পথাৰখনে ব্যাপক সমস্যা আৰু আৰ্থিক সংকটত পৰিছিল; ৰাজহুৱা সমাৱেশ সম্পূৰ্ণৰূপে কৰ্তন কৰাৰ বাবে পৰিৱেশন কলাৰ ওপৰত গুৰুতৰভাৱে প্ৰভাৱ পৰিছিল সেই সময়ৰ পৰা NEZCC দ্বাৰা ভাৰ্চুৱেলি অনুষ্ঠান আয়োজন কৰি সকা‌হ দিবলৈ প্ৰসায় কৰা হৈছে।

উত্তৰ পূৱ ক্ষেত্ৰ সাংস্কৃতিক কেন্দ্ৰৰ ‘কালছাৰেল ছিৰিজ’ অনুষ্ঠান অহা ১১ জুনৰ পৰা আয়োজন — সাংবাদিক মেল সম্বোধন

২০২১-২২ বৰ্ষত মুঠ-৪৫ সংখ্যক অনুষ্ঠানত ৩৭ টা জনগোষ্ঠীৰ ২২৫ টাতকৈ অধিক কলাৰ ৩১৫০ জন লোক শিল্পী ইতিমধ্যেই উপকৃত হৈছে। উল্লেখ্য যে, ২০২২-২৩ বৰ্ষৰ বাবে ‘কমিউনিটি কালছাৰেল প্ৰগাম’- এ ‘কালছাৰেল ছিৰিজ’ অনুষ্ঠান অহা ১১ জুন ২০২২ তাৰিখৰ পৰা আয়োজন কৰা হৈছে।

কাইলৈ আবেলি ৩ বজাত এই অনুষ্ঠান সমূহ আনুষ্ঠানিক শুভাৰম্ভ কৰা হব বুলি আজি দিনৰ ১১ বজাত শিল্পগ্ৰাম গুৱাহাটীৰ কাৰ্য্যালয়ত সঞ্চালক ডা: প্ৰসন্ন গগৈয়ে , ডি.ভাচুম, যুটীয়া সঞ্চালক, ভি.ফেচাও, অনুষ্ঠান উপ-সঞ্চালক, জেদ.লুচাও, প্ৰশাসনিক উপ- সঞ্চালক, অসীম দেৱনাথ, গাণনিক বিষয়াৰ উপস্থিতিত সাংবাদিক মেল সম্বোধন কৰে। সংবাদ মেলৰ আঁত ধৰে প্ৰচাৰ মাধ্যম সমন্বয়ক নৱ কুমাৰ ভৰালীয়ে। উপস্থিত গুৱাহাটীস্থ সাংবাদিকসকলক সঞ্চালক ডা: প্ৰসন্ন গগৈয়ে ফুলাম গামোচা, পৰম্পৰাগত শিল্প আৰু উপহাৰৰ টোপোলাৰে উষ্ম সম্বৰ্ধনা জনায়।

10-06-2022

Mahabahu.com is an Online Magazine with collection of premium Assamese and English articles and posts with cultural base and modern thinking.