কথা সাহিত্য বঁটা ২০২৫ : উপাচাৰ্য অধ্যাপক ধনপতি ডেকাৰ মনোজ্ঞ ভাষণ 

কথা সাহিত্য বঁটা ২০২৫ : উপাচাৰ্য অধ্যাপক ধনপতি ডেকাৰ মনোজ্ঞ ভাষণ 

নীলিম কাশ্যপ বৰঠাকুৰ

অসম সাহিত্য সভাৰ উদ্যোগত আৰু দেৱ দামোদৰ সংঘৰ সহযোগত “কথা সাহিত্য বঁটা ২০২৫” অনুষ্ঠানটোত অসম সাহিত্য সভাৰ সভাপতি ডঃ বসন্ত কুমাৰ গোস্বামী, সম্পাদক দেবজিত বৰা, ভট্টদেৱ বিশ্ববিদ্যালয়ৰ উপাচাৰ্য ড° ধনপতি ডেকাৰ লগতে অন্য সদস্য উপস্থিত থাকে।

বঁটাতো প্ৰদান কৰা হয় বসন্ত কুমাৰ ভট্টাচাৰ্য দেৱক। কিন্তু তেখেতৰ শাৰীৰিক অসুস্থতাৰ বাবে তেওঁৰ পুত্ৰ সুশান্ত কুমাৰ কাশ্যপ উপস্থিত থাকে।

ভট্টদেৱ বিশ্ববিদ্যালয়ৰ উপাচাৰ্য ড° ধনপতি ডেকাদেৱে এক মনোজ্ঞ ভাষণৰ জৰিয়তে  কয় যে “মই সাহিত্যৰ লগত খুব কমকৈ জড়িত আছিলোঁ। মই ,২৯ বছৰ তেজপুৰ বিশ্ববিদ্যালয়ত বিজ্ঞানৰ সৈতে জড়িত গৱেষণা কৰাত ব্যস্ত আছিলোঁ। এতিয়া ভট্টদেৱ বিশ্ববিদ্যালয়ত অহাৰ মোৰ দহ মাহ সম্পূৰ্ণ হল, অঞ্চল সমূহৰ সভা সমূহত প্ৰায় মই যাওঁ।

“মোৰ এটাই উদ্দেশ্যে- যেনেদৰে আজি আহিছো, আপোনালোকৰ সৈতে চিনাকি হলো, দুই এষাৰ কথা পাতিলো, সাহিত্য সভাৰ দৰে অনুষ্ঠানত আহি ৰাধা গোবিন্দ বৰুৱা প্ৰেক্ষাগৃহত আহি দুই এষাৰ কবলৈ সুবিধা পালোঁ, সেয়ে মোৰ জীৱনটো ধন্য হৈছে।এইয়া মোৰ ভাগ্য বুলি মই ভাবিছোঁ।

“মই অসম সাহিত্য সভাৰ পুৰণি দিন এটালৈ ঘূৰি যাব বিচাৰিছোঁ। যেতিয়া অসম আন্দোলন চলি আছিল, তেতিয়া আমি নৱম-দশম শ্ৰেণীৰ ছাত্ৰ। আন্দোলনৰ ভৰপকৰ সময়তো ৰাইজ ৰৈ আছিলে শুনিবলৈ যে অসম সাহিত্য সভাই কি কৈছে।

RelatedPosts

Is There Really No Ethical Consumption Under Capitalism?

June 15, 2025

Environmental Impacts of Electronic Waste & Potential Pathways for its Management

June 15, 2025

Boeing’s Safety Under Scrutiny: Are Its Aircraft Still Reliable After Repeated Incidents?

June 13, 2025

“আমাৰ অসমীয়া ৰাইজৰ মাজত অসম সাহিত্য সভা ইমান গভীৰ ভাৱে আছে, ইমান শ্ৰদ্ধাৰে সকলোৱে অনুকৰণ কৰে, অসম সাহিত্য সভাই এই ক্ষেত্ৰত কি কৈছে সেইটো ডাঙৰ কথা। আমাৰ দুখ লাগিছিল যে মাজতে দুই এটা দশক অলপ খেলি মেলি হৈছিল, কিন্তু লাহে লাহে অসম সাহিত্য সভা পুনৰ নিজৰ স্থানত উপস্থিত হৈছে।

“মানুহে বুজি পাইছে যে এই অনুষ্ঠানটো যদি আমি জীয়াই ৰাখোঁ ইয়াৰ জৰিয়তে আমাৰ জাতীয় পৰিচয় আৰু ভাষা সংস্কৃতিৰ যিটো পৰিচয় সেই পৰিচয় টো আমি অসম সাহিত্য সভাৰ জৰিয়তে দিব লাগিব।”

লগতে তেওঁ সভাপতি বসন্ত গোস্বামীক উদ্দেশ্য কয় যে “আজি সভাপতিৰ আসনত এজন স্বনাম ধন্য পণ্ডিত আমাৰ মাজত বহি আছে। তেখেতক দেখিলে আমাৰ আশাবোৰ বাঢ়ি যায়…”

লগতে তেওঁ কয় যে “অসমীয়া সাহিত্যৰ যিবোৰ অৱদান, সেই অৱদান সমূহ আমি পৃথিৱীৰ বিভিন্ন ভাষাত অনুবাদ কৰাৰ চেষ্টা কৰিব লাগে। ইয়াৰ জৰিয়তে অসমীয়া সাহিত্যৰ প্ৰচাৰ হব।লগতে কিতাপ সমূহ ডিজিটেল ৰূপত লৈ অনাৰ প্ৰয়াস কৰা উচিত।”

দেৱ দামোদৰ সংঘৰ সম্পৰ্কৰ বিষয়ে তেওঁ দুই এষাৰ বক্তব্য ৰাখি তেওঁ ড৹বসন্ত কুমাৰ ভট্টাচাৰ্য সম্পৰ্কে কয় যে “তেওঁ ১৬ৰ পৰা ১৭ খন গল্প পুথি, কিতাপ, প্ৰবন্ধ লিখাৰ পাছতো এখন চাইকেল চলাই গোটেই জীৱনটো পাৰ কৰিলে যদিও লিখিবলৈ তেওঁ এৰি দিয়া নাই।”

তেওঁ মহাপুৰুষ দামোদৰ দেৱ আৰু ভট্ট দেৱৰ সম্পৰ্কে দুই এষাৰ বক্তব্য আগবঢ়ায়। তেওঁ লগতে কয় যে “ভট্টদেৱ বিশ্ববিদ্যালয়ে ভাৰতীয় জ্ঞান পৰম্পৰা সম্পৰ্কে এটি চেণ্টাৰ খুলিবলৈ আগ বাঢ়িছে। যত যিকোনো বিভাগৰ শিক্ষকে তাত অংশগ্ৰহণ কৰিব পাৰে আৰু তাত গৱেষণাৰ ওপৰত গুৰুত্ব প্ৰদান কৰা হব। ইয়াৰ দ্বাৰা সত্ৰ আৰু দামোদৰ দেৱৰ সম্পৰ্কে অধ্যয়ন কৰা হব।”

04-06-2025

Mahabahu.com is an Online Magazine with collection of premium Assamese and English articles and posts with cultural base and modern thinking.  You can send your articles to editor@mahabahu.com / editor@mahabahoo.com(For Assamese article, Unicode font is necessary) Images from different sources.