আজি গৰুবিহু

গৰুবিহু

অঞ্জন শৰ্মা

আজি কিয় জানো মনত পৰিল কৈশোৰ কাললৈ

পৃথিৱীখন তেতিয়া ‘ডিজিটেল‘ নাছিল, তেতিয়া

আমাৰ এহাল বলধ আছিল

আমাৰ কেইবাজনীও গাই আছিল

RelatedPosts

এইবোৰ ভাবি চাবৰ ব’হাগে বতৰ কিজানি!

April 21, 2025

অসম বুৰঞ্জীৰ বীৰাংগনা সতী সাধনী 

April 21, 2025

বিহুৰ ক্ৰমবিকাশ: জাতিগঠনৰ পৰা জাতীয় উৎসৱলৈ 

April 15, 2025

কেইজনীমান ছাগলীও আছিল

আমাৰ গোহালি আছিল ‘ডুপ্লেক্স‘ জাতীয়

গৰু-ছাগলীয়ে ওপৰমহলাত বিশ্ৰাম কৰিছিল

‘গ্ৰাউন্ড ফ্লোৰ’ত তুঁহ-খেৰেৰে ‘থুপা’ দিয়া হৈছিল

আজিকালিৰ ‘গুড্নাইট কইল‘ জ্বলোৱাৰ দৰেই

গৰু-ছাগলীক যাতে মহ-ডাঁহে খাব নোৱাৰে

ব’হাগ পৰাৰ বহুদিন আগতেই 

           আমিবোৰ ব‍্যস্ত হৈ পৰিছিলো

‘গৰুবিহু’ক লৈ।

পাঠশালা ৰেল-ষ্টেচনৰ কাষতেই আছিল

                                            আমাৰ ঘৰ

ৰেলপথৰ কাষে কাষে বলধহালক, গাইকেইজনীক

আমি ৰং-ৰহইচ কৰি লৈ গৈছিলো গৰুবিহুৰ দিনা

লক্ষ‍্যস্থান আছিল ‘তুৰ্কুনি’ নামৰ কুৰ্

আ: কি আনন্দ তুৰ্কুনিৰ জলভান্ডাৰত

শত শত গৰুৰ সৈতে আমিও সাতুৰিছিলো

বলধৰ নেগুৰত ধৰি ইপাৰ-সিপাৰ হৈছিলো

লাও খা- বেঙেনা খা, বছৰে বছৰে বাঢ়ি যা

আমি আওৰাইছিলো

পৃথিৱীখন ‘ডিজিটেল’ নাছিল

‘চেনেল বিহু’ৰ সন্ত্ৰাস নাছিল

বিহুৰ ছান্দা নাছিল, মঞ্চৰ বিহুও নাছিল

                              কপৌফুল ফুলিছিল

                              কুলিয়েও মাতিছিল

গৰুবিহুৰ পিছদিনা আমিও গা ধুই

‘বিহান’ লৈছিলো

দিনবোৰ ৰঙালী আছিল

মনবোৰ ৰঙালী আছিল।

# # #

আজি মনত পৰিছে কৈশোৰ কাল, কাৰণ

আজি গৰুবিহু!

যোৱাৰাতিৰে পৰাই ‘শুভেচ্ছা’ৰে ভৰিছে মোবাইল

মই কাকো প্ৰত‍্যুত্তৰ দিয়া নাই

কাকো ‘শুভেচ্ছা’ও দিয়া নাই

‘চিন্থেটিক শুভেচ্ছা’ দিবলৈ মন যোৱা নাই!

যোৱাবছৰ, যোৱাবছৰৰ আগৰ বছৰ

তাৰো আগৰ বছৰ, বছৰ বছৰ, বহু বছৰ

কিমানক যে কিমান ‘শুভেচ্ছা’ দিলো-

ইংৰাজী নৱবৰ্ষ, উৰুকা, ভোগালী বিহু

সৰস্বতী পূজা, দৌল বা ফাকুৱা, ঈদ্

জন্মাষ্টমী, গৰুবিহু, ৰঙালী বিহু, ব’হাগী বিদায়

বুদ্ধ পূৰ্ণিমা, মহালয়া, দূৰ্গাপূজা, বিজয়া

লক্ষ্মীপূজা, দেৱালী, কালীপূজা, ৰাসলীলা

বৰদিন, শিৱৰাত্ৰি, গণেশ পূজা….

ব’ল ব’ম, দান্দিয়া, ছট্-পূজা, ভেলেন্টাইন দেৱৰ তিৰোভাৱ তিথি

চৰকাৰৰ সোণোৱালী উৎসৱত

সাহিত্য সভাৰ অধিৱেশনত!!

[ শোকবাৰ্তা, জন্মদিনৰ শুভেচ্ছা, কৃতিত্বৰ কথা সুকীয়া]

সেই যে বছৰ বছৰ শত-সহস্ৰ ‘শুভেচ্ছা’ দিলো

আৰু গ্ৰহণো কৰিলো…..

আজি ইমান হুলস্থূলীয়া ‘ৰঙালী’ত কিয় জানো

নিৰৰ্থক যেন অনুভৱ হৈছে, কিয় জানো

মনটো অকণো ‘ৰঙালী’ হোৱা নাই!

ইমান হুলস্থূলেও কিয় জানো পাহৰাব পৰা নাই

এশ-নিৰানব্বৈ বছৰীয়া ইয়ান্ডাবু

সাতাত্তৰ বছৰীয়া অলিখিত দ্বিতীয় ইয়ান্ডাবু

চল্লিশ বছৰে উমনি দি থকা অসম চুক্তিৰ ঘোলাকণীটো

আমাৰ ইতিহাস, আমাৰ….!

কিয় জানো ভাব হৈছে

ৰঙালী, ভোগালী, ইত‍্যাদিৰ নামত সমগ্ৰবৰ্ষ

জাগ্ৰত হোৱাতকৈ 

যদি সচাই জাগ্ৰত হৈ থাকিলোহেতেন 

মাতৃভূমিৰ বাবে…..!!

আজি গৰুবিহু।

চকুৰে দেখি আছো জীৱন্তকালতে কৰি থকা

মৰণোত্তৰ অস্ত্ৰোপচাৰ, আমাৰ!!

Mahabahu.com is an Online Magazine with collection of premium Assamese and English articles and posts with cultural base and modern thinking.