চীনে প্ৰতিসপ্তাহত লক্ষ লক্ষ মহ উৎপাদন কৰে !
দিলীপ দৈমাৰী
–দিলীপ দৈমাৰী |
হয়, চীনে কাৰখানাত সপ্তাহত লক্ষ লক্ষ মহ উৎপাদন কৰি আছে আৰু চীনৰ কাৰখানাত তৈয়াৰ কৰা মহবোৰক অৰণ্য আৰু আন ঠাইত এৰি দি আছে। কিন্তু কিয়?
মহৰ দংশনৰ ফলত বিভিন্ন ধৰণৰ মাৰাত্মক ৰোগ হয় যাৰফলত বছৰি বিশ্বত লাখ লাখ লোকৰ মৃত্যু হয়। সাম্প্ৰতিক কালত ডেংগু মহৰ দংশনৰ ফলতো বহু দেশত বহু লোকৰ মৃত্যু হয়। এনে পটভূমিত চীনে মহৰ বিৰুদ্ধে যুদ্ধ কৰিবলৈ এক অদ্ভুত কাম আৰম্ভ কৰিছে। চীনে পৰীক্ষা কৰি সফল হৈ কাৰখানাত ভাল মহ উৎপাদন আৰম্ভ কৰিছে আৰু এইক্ষেত্ৰত সফল হৈছে – কিদৰে কাৰখানাত জন্ম দিয়া মহেৰে ৰোগ সৃষ্টিকাৰী মহক এসেকা দিব পাৰি।
কাৰখানাৰ এনে মহবোৰ নো আচলতে কেনে মহ? চীনত এনে মহক ভাল মহ বুলি অভিহিত কৰা হয়, কাৰণ এই মহে নিজস্ব পদ্ধতিৰে ৰোগ বিয়পোৱা মহক প্ৰতিৰোধ কৰে। চীনে গৱেষণাৰ সাফল্যৰ পিছত কাৰখানাত এই মহ উৎপাদন কৰা কাম আৰম্ভ কৰিছে।
চীনৰ দক্ষিণ অঞ্চলৰ গুয়াংঝৌত এটা কাৰখানা আছে, য’ত এনেধৰণৰ ভাল মহ উৎপাদন কৰা হয়। প্ৰতি সপ্তাহত এই কাৰখানাত লক্ষ লক্ষ মহ উৎপন্ন কৰা হয়। এই মহবোৰ হ’ল ৱলবেচিয়া বেক্টেৰিয়াৰ দ্বাৰা সংক্ৰমিত। চীনত পোনপ্ৰথমবাৰৰ বাবে ছুন য়েট শেন্ বিশ্ববিদ্যালয় আৰু মিচিগান বিশ্ববিদ্যালয়ৰ দ্বাৰা চলোৱা এক গৱেষণাৰ ফলত প্ৰত্যক্ষ হৈছিল যে ৱলবেচিয়া বেক্টেৰিয়াৰ দ্বাৰা সংক্ৰমিত মহক যদি বিকশিত কৰা হয়, তেন্তে সেই মহে ৰোগ বিয়পোৱা মাইকী মহক বন্ধ্যা কৰিবলৈ সক্ষম হয়। এই ভাল মহবোৰক ‘ৱলবেচিয়া মস্কুইটো’ বুলিও অভিহিত কৰা হয়। এনেধৰণৰ মহ প্ৰথমে গুয়াংঝৌৰ কাৰখানাত প্ৰজনন কৰোৱা হয় আৰু পিছত ইয়াক জংগল তথা মহৰ প্ৰকোপ থকা ঠাইত এৰি দিয়া হয়। কাৰখানাত জন্ম হোৱা মহবোৰে ৰোগ বিয়পাব পৰা মাইকী মহৰ সান্নিধ্যলৈ আহে আৰু সেই মাইকি মহৰ প্ৰজনন ক্ষমতা ধ্বংস কৰে। ফলত তেনে স্থানত মহ হ্ৰাস হ’বলৈ আৰম্ভ কৰে আৰু ফলত ৰোগ প্ৰতিৰোধ হয়।
চীনৰ কাৰখানাটো বিশ্বৰ ভিতৰতে মহ উৎপাদন কৰা এক বিশাল কাৰখানা। ইয়াত প্ৰতি সপ্তাহত লক্ষ লক্ষ মহ উৎপন্ন কৰা হয়। চীনে এতিয়া নহয়, ২০১৫ চনৰ পৰাই এই কাম কৰি আহিছে। পূৰ্বতে এই মহবোৰ কেৱল গুয়াংঝৌৰ বাবেহে উৎপাদন কৰা হৈছিল, কিয়নো প্ৰতি বছৰে গুয়াংঝৌত ডেংগু বিয়পিছিল। এতিয়া গুয়াংঝৌত মহ যথেষ্ট পৰিমাণে নিয়ন্ত্ৰিত হৈছে। কাৰখানাত ওপজা সকলো মহ মতা মহ। এই মহবোৰৰ জিন পৰীক্ষাগাৰত সলনি কৰা হয় । চীনৰ এই প্ৰচেষ্টা সফল হোৱাৰ পটভূমিত চীনে ব্ৰাজিলতো একেধৰণৰ কাৰখানা খুলিবলৈ সাজু হৈছে, কাৰণ ব্ৰাজিলতো মহৰ দংশনৰ ফলত বহুতৰ অকাল মৃত্যু হয়।
Related Posts
ডo দীনেশ চন্দ্ৰ গোস্বামী: ব্যক্তিত্ব আৰু সান্নিধ্য
ডo দীনেশ চন্দ্ৰ গোস্বামী: ব্যক্তিত্ব আৰু সান্নিধ্য গিৰিমল্লিকা শইকীয়া (গিৰিমল্লিকা শইকীয়া ২০১৮ চনৰ ৫ নৱেম্বৰৰ “দি চেন্টিনেল” কাকতত প্ৰকাশিত এটা...
Read more
- Trending
- Comments
- Latest
Popular Stories
Mahabahu is a collection of premium articles, opinions and writes from the writers all around the world.