জোনাকত জিলিকা ফুল

বৰ্ণালী দেৱী

মানুহৰ সুখ- দুখ,প্ৰাপ্তি-অপ্ৰাপ্তি এইবোৰ অনুভূতিৰেই সৃষ্টিৰ বাট মুকলি কৰি যায়।

The Sabarmati Report: A Gripping Yet Flawed Take on Media and the Godhra Tragedy

December 20, 2024

selective focus photography of white softbound book

অৰুনাভ ছাৰ

December 18, 2024

Cooch Beharer Itihash, Assam and finding the roots

December 12, 2024

সেই অনুভূতিৰ বহি প্ৰকাশ ফলতেই সাহিত্যৰ বিভিন্ন দিশবোৰে পোখা মেলি গজি উঠে।

এই গজি উঠা বিভিন্ন প্ৰকাশেই হৈছে গল্প,উপন্যাস, কবিতা ,সমূহ ।সকলো ভাগৰ সাহিত্যৰ সোৱাদো ভিন ভিন হয়।গল্প -কবিতা যিদৰে ভিন্ন স্বাদ দিয়ে সেইদৰে লেখক মাত্ৰেও সোৱাদ বিভিন্ন হয়।

মই বৰ্তমান এখনি গল্প পুথিৰ মায়াময় মোহজালত বন্দী হৈ আছো – য’ত আছে ২৭টা ভিন্ন ধৰ্মী ৰস।ছুটি ছুটি গল্প সমূহে সকলো পাঠকৰেই অন্তৰ চুই যাব।গল্প পুথি খনি হ’ল বিশিষ্ট ঔপন্যাসিক, শিশু গ্ৰন্থ লেখক, ভ্ৰমণ গ্ৰন্থ লেখক ,গল্পকাৰ, বিশিষ্ট শিক্ষাবিদ ড:জগদীন্দ্ৰ ৰায়চৌধুৰী ৰ “জোনাকত জিলিকা ফুল“।

প্ৰতি টো গল্পৰে প্ৰকাশ শৈলী বৰ সুন্দৰ।সকলো শ্ৰেণীৰ পাঠকৰ হৃদয় স্পৰ্শী যাব পৰাকৈ গল্পসমূহৰ ভাষা,কাহিনী আৰু বাক্য গাঠনি অতি সৰল।সৰলতাৰ মাজেৰে লেখকে কিন্তু বিজ্ঞান মনস্কতা আৰু সমাজৰ জীৱনৰ সকলো বিষয় সামৰি লৈছে।

” জোনাকত জিলিকা ফুল” নামৰ গল্পটো মুল চৰিত্ৰ মৃণালে মনৰ ইচ্ছা পূৰণ কৰা বাসনাৰে চাকৰি আদি সকলো কাম বাদ দি সমাজৰ হিতাৰ্থে সাজি উলিয়ালে এটা যন্ত্ৰ যাৰ দ্বাৰা সন্মুখত মানুহ জনৰ মনোভাৱ জানিবলৈ সক্ষম হয়।গল্পটো বিষয় ব্যতিক্ৰমী আৰু পাঠকৰ মনত কৌতুহল ভাব জগাই তোলে।

“নাচি ভালপোৱা ছোৱালীজনী’ গল্পটোৰ কাহিনী অতি বাস্তৱ আৰু দুচুকু সেমেকাই তুলিব পৰা । দ্ৰৰিদ্ৰতাই কোঙা কৰা আৰু নিজৰ অকমান্য স্বভাৱৰ বাবে প্ৰতিভাশালী কনমানি ছোৱালীজনী ক মহানগৰৰ এঘৰ হৃদয়হীন মানুহৰ ঘৰত দেউতাকে থৈ গ’ল কেইটামান টকাৰ বিনিময়ত।এদিন কনমানি নাচনী ছোৱালী জনীৰ কান্দোনত প্ৰতিবেশী এজনৰ অন্তৰ কিদৰে চুই গ’ল আৰু ছোৱালী জনীৰ কি হ’ল সেয়া জানিবলৈ গল্পটো নিশ্চয় কৈ পঢ়িবয়ে লাগিব।

“মাতৃ স্নেহ” এক সচাকৈ ব্যতিক্ৰমী গল্প।নি:সন্তান এগৰাকী নাৰী বিষাদ গাথাৰ লগতে সমাজত যে সকলো ক্ষেত্ৰতে নাৰী গৰাকীকেই নানা শব্দৰ বিভূষনেৰে বিভূষিত কৰি দোষাৰোপ কৰা হয় আনকি নি:সন্তান হোৱাৰ দোষ টোও জাপি দিয়া হয় নাৰীক।কিন্তু পুৰুষজনো যে তাৰ কাৰণ হব পাৰে সেইকথা কোনেও মানি লব নিবিচাৰে।এই গল্পটো ত তেনে এক বেদনা প্ৰকাশ পাইছে জগন্নাথ ৰ ঘৈণীয়েকৰ মাজেৰে।মনৰ বেদনা পাতলাবলৈ জগন্নাথৰ ঘৈণীয়েকে কৈছে: মাইকী মানুহৰ মনৰ বেদনা কোনে বুজিব?আমাৰ যেন কোনো দামেই নাই।-মাজে মাজে লেখকে প্ৰয়োগ কৰা এনে নাটকীয় সংলাপে গল্পৰ সৌন্দৰ্য দুগুণে বৃদ্ধি পাইছে।

প্ৰতিটো গল্প পঢ়াৰ পিছত লেখকে সকলোলৈ থৈ গৈছে চিন্তা ৰ অৱকাশ ।যি টো ছুটিগল্প ৰ অন্যতম বৈশিষ্ট্য সেই বৈশিষ্ট সুন্দৰ ৰূপে ধৰা দিছে ৰায়চৌধুৰী ৰ গল্পৰ মাজত।পঢ়াৰ পিছত সমাধান বিচাৰি পাঠকৰ অন্তৰত হেন্দোলনি দি থাকে ।

মুঠতেই ছুটিগল্পৰ সাৰ্থকতা বহন কৰিছে প্ৰতিটো গল্পতে।প্ৰতিটো গল্পৰ ভিন্ন স্বাদ।যেনে-মন পখীৰ গান,ক্ৰুছবিদ্ধ,জীৱন ডট কম,স্বনিবাৰ্সন,অপ্ৰত্যশিত ৰোদন আদি।এই নাম সমূহে ই বহন কৰিছে গল্পৰ বৈশিষ্টতা।

পঢ়ি যাওতে তাৰ চিত্ৰকল্প চকুৰ আগত দোলা দি যায় প্ৰতিটো গল্পতে।

মুঠতে ২৭ টা সাৰ্থক গল্পৰে ড:জগদীন্দ্ৰ ৰায়চৌধুৰী দেৱৰ অন্যতম সাৰ্থক সৃষ্টি “জোনাকত জিলিকা ফুল” এক সাৰ্থক,সুন্দৰ, হৃদয়স্পশী গল্প সংকলন।

[বৰ্ণালী দেৱী, শিশু শিক্ষা সমিতি, অসম, Phone-৯৯৫৭০৭২৬৯০]

Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)