জ্যোতি প্ৰসাদ আগৰৱালাৰ কবিতা

মা ! মই আজি নতুন এটা সপোন দেখিলোঁ ৷

পুৰণা গানক এটা পোকে গিলা দেখিলোঁ ৷

RelatedPosts

We love life as much as we can

April 30, 2025

নীলমণি ফুকনে জ্ঞানপীঠ পুৰস্কাৰ লৈ আগবঢ়োৱা ভাষণ

April 27, 2025

এইবোৰ ভাবি চাবৰ ব’হাগে বতৰ কিজানি!

April 21, 2025

মা ! দেউতাৰ যে পুৰণা বহী আছে

তাতে মচ নোখোৱা

তিনিতা চাইটা সাতটা যে গান আছে

তাৰেই এটা গানক, মা !

এটা পোকে খাইছিল ঘোকাঘোকে

কালৌপ্‌ কালৌপ্‌

টলৌপ্‌ টলৌপ্‌… গানটি গিলি দিলে ৷

দেউতাৰ সেই পুৰণা গানটো

পোকটোৰ চেপেটা পেটলৈ গ’ল …

ভাল কথা হ’ল !

দেউতাৰ সেই ভাল গানটো

আজিৰ পৰা নাইকীয়া হ’ল !

এই বুলি মই বহি আছিলোঁ মনত বেজাৰ পাই

এনেতে উঠিলোঁ চক্‌ খাই,

পোকটোৰ পেটে ভিতৰত

দেউতাৰ গানে বাজনা বজাই

কোৰ্‌ কোৰ্‌ কৰে,

পোকটোৰ সেই ওফন্দা পেটু ফালিবলৈ ধৰে ৷

পোকে খালে ভয়… ক’লে তাক

“তোক হ’লে খাই ভুল কৰিলোঁ মই

পাৰ যদি বাহিৰলৈ ওলা,

নকৰিবি পেটত সোমাই মোক জ্বলাকলা ৷”

গানে ক’লে-

“তেন্তে মোক দে বতিয়াই দে…

পেটৰ পৰা উলিয়াই বাহিৰলে’ নে ৷”

পোক উৰি ঘূৰি ঘূৰি

ভোন্‌ভোনাই

গানটো বতিয়ালে…

গানটো ওলাই লৰ মাৰি গৈ

দেউতাৰ সৌ

সৰুকালৰ ফটোখনৰ ভিতৰত সোমালে ৷

মা ! মোৰ সপোনটো মিছা বুলি

ভাবিছ নেকি বাৰু ?

মিছা নহয় মা !

সাক্ষী আছে সৌ তিনিটা গাৰু !