বুঢ়া সত্ৰীয়া বশিষ্ট দেবশৰ্মা

কুমাৰ দীপক দাস

বুঢ়া সত্ৰীয়া বশিষ্ট দেবশৰ্মা – বৰপেটা তথা বৃহত্তৰ অসমবাসীৰ বাবে বিশেষকৈ সত্ৰীয়া সংস্কৃতিৰে সমৃদ্ধ সমাজ খনৰ বাবে এটি পবিত্ৰতা আৰু আপোনভাব জাগ্ৰত কৰি দিবপৰা নাম ৷

দুজনা গুৰুৰ আশীষ নিৰ্মালীৰে সিদ্ধ সুন্দৰীদিয়া এই বৈষ্ণৱ আন্দোলনৰ এক পবিত্ৰ, প্ৰসিদ্ধ ভুমিখণ্ডত জন্ম লাভ কৰা বশিষ্ট দেবশৰ্মাৰ পিতৃ গৃহ আছিল এক অনন্য সাংস্কৃতিক টোল ৷ য’ত তেওঁলোক তিনি ভাতৃ ক্ৰমে স্বনামধন্য প্ৰভাত শৰ্মা , মুৰাৰী শৰ্মা আৰু বশিষ্ট দেবশৰ্মা দেৱে সত্ৰীয়া সংস্কৃতি আৰু লোক সংস্কৃতিৰ সাধনাক শিৰৰ মুকুত হিচাবে লৈ নিজ নিজ কৰ্মক্ষেত্ৰলৈ ওলাই গৈছিল ৷

বশিষ্ট দেবশৰ্মা দেৱে শিক্ষকতাক বৃত্তি হিচাবে লৈ বৃহত্তৰ বৰপেটাৰ সেই সময়ৰ সত্ৰীয়া আৰু লোক কৃষ্টিৰ প্ৰচাৰ আৰু প্ৰসাৰৰ সৈতে জড়িত শিল্পী সকলৰ সৈতে লগ লাগি সত্ৰীয়া সংস্কৃতি আৰু পৰম্পৰাক প্ৰাণময় কৰি তুলিবলৈ সক্ষম হয় ৷

একেধাৰে বৰপেটা সত্ৰ প্ৰাংগনত নিতৌ গধুলি ভাগৱত পাঠ আৰু চৰ্চাৰে এক মধুৰ পৰিবেশ সৃষ্টি কৰি এক আধ্যাত্মিক নৱজাগৰণৰ সফল নেতৃত্বৰ ভাৰ বহন কৰে ৷

তেখেতৰ সত্ৰীয়া সংস্কৃতিৰ অধ্যয়ন আৰু প্ৰচাৰৰ এনে বৰ্নিল যাত্ৰাক নতুন মাত্ৰা প্ৰদান বৰপেটা সত্ৰবাসী ৰাইজে বৰপেটা সত্ৰৰ বুঢ়াসত্ৰীয়া এই মুল আসনত অধিস্হিত কৰি অসমৰ বৈষ্ণব আন্দোলনক এক নতুন শকতি দিয়াৰ বাবে এইগৰাকী বহুমুখী প্ৰতিভাসম্পন্ন বশিষ্ট দেবশৰ্মা দেৱক ন-সাহেৰে প্ৰবুদ্ধ হৈ আগুৱাবলৈ নেতৃত্ব প্ৰদান কৰে ৷

তেখেতে এই দায়িত্ব সুখ্যাতিৰে পালন কৰি কেবল সত্ৰীয়া সংস্কৃতি আৰু পৰম্পৰাক মহিয়ান কৰাই নহয় পুৰ্বোত্তৰৰ কাশী পুৰী বৰপেটা ধামৰ পবিত্ৰতা আৰু মহিমাকো নতুন ৰূপত বিস্তাৰিত কৰে ৷

সেয়েহে সত্ৰীয়া সংস্কৃতিৰ একনিষ্ঠ সাধক, গুৰুজনাৰ আধ্যাত্মিকতাৰ বাণীৰ প্ৰচাৰ আৰু প্ৰসাৰেৰে সমাজত এক বিশেষ স্থান দখল কৰা বৰপেটা সত্ৰৰ বুঢ়াসত্ৰীয়া শ্ৰী বশিষ্ঠ দেৱশৰ্মাক ৰাজ্য চৰকাৰৰ তৰফৰ পৰা ৰাষ্ট্ৰীয় পৰ্যায়ৰ ২০১৭ বৰ্ষৰ সৰ্বোচ্চ শংকৰদেৱ বঁটা প্ৰদান কৰিবলৈ সিদ্ধান্ত লয় ৷

এয়া এই মনিষা গৰাকীৰ আজীৱন সংস্কৃতি সাধনাৰ এক মধুৰ প্ৰাপ্তি আছিল ৷

এক শৰণ নাম ধৰ্মৰ লগতে সত্ৰীয়া সংস্কৃতিৰ প্ৰচাৰ প্ৰসাৰৰ সৈতে আজীৱন কৃচ্ছ সাধন কৰা সত্ৰীয়া সংস্কৃতিৰ বিশিষ্ট সাধক, অসমৰ লোক কলা-সংস্কৃতিৰ ওজাব্যক্তি তথা ঐতিহাসীক বৰপেটা সত্ৰৰ যুগমীয়া সত্ৰীয়া পৰম্পৰাৰ ধাৰক বাহক ৰূপে নিজকে নিয়োজিত কৰি ইয়াৰ গৰীমা অক্ষুন্ন ৰাখিবলৈ সক্ষম হোৱা অন্যতম বৰপেটা সত্ৰৰ বুঢ়া সত্ৰীয়া , আমাৰ অতি শ্ৰদ্ধাৰ বশিষ্ঠ দেৱশৰ্মা দেৱৰ বিয়োগ আমাৰ জাতীয় জীৱনৰ বাবে এক অপূৰণীয় ক্ষতি।

বুঢ়া সত্ৰীয়া বশিষ্ট দেবশৰ্মা1 — বশিষ্ঠ দেৱশৰ্মা

এগৰাকী বিশিষ্ট উপদেষ্টা হিচাবে ঐতিহ্যপূৰ্ণল মধুপুৰ সত্ৰৰ গৰিমা আৰু ঐতিহ্যক সমৃদ্ধিশালী কৰিবলৈ প্ৰাপ্ত তেখেতৰ সান্নিধ্য তথা প্ৰদান কৰা পৰামৰ্শ আৰু উপদেশবোৰ আজিৰ এই কঠিন মূহুৰ্তত আমি শ্ৰদ্ধাৰে সুঁৱৰি সত্ৰ পৰিচালনা সমিতিৰ হ’কেও আমাৰ আন্তৰিক শ্ৰদ্ধাঞ্জলি যাচিছোঁ ৷ তেখেতৰ বিদেহ আত্মাৰ সদ্গতি কামনা কৰি প্ৰাৰ্থনা জনালোঁ ।

22-10-2022

Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)