ভয়েজাৰ-১ মহাকাশযানৰ পৰা ভুল তথ্য অহাত শংকিত বিজ্ঞানীমহল
তনয় চক্ৰৱৰ্তী
ভয়েজাৰ-১
তনয় চক্ৰৱৰ্তী
সূৰ্যৰ আওতাৰ বাহিৰৰ খবৰ প্ৰেৰণ কৰিছিল ‘নাছা’ৰ দুখন মহাকাশযানে। সৌৰজগতৰ প্ৰান্তসীমা অতিক্ৰম কৰি তীব্ৰ গতিৰে আগবাঢ়ি আছে ভয়েজাৰ-১ নামৰ মহাকাশযানে। ৩৫ বছৰৰ আগতে আমেৰিকাৰ মহাকাশ গৱেষণা সংস্থা’নাছা’ৰ পৰা উৎক্ষেপণ কৰা হৈছিল ভয়েজাৰ-১। সেই মহাকাশযানে এতিয়া পৃথিৱীৰ পৰা ১৮০০ কোটি কিলোমিটাৰ দূৰত অৱস্থান কৰিছে।
হাড় বৰফ কৰা আদিগন্ত, অতলান্ত মহাকাশত ঘনঘোৰ, মন চমচমোৱা অন্ধকাৰত অকলে অকলে দশক দশক ধৰি তীব্ৰতম গতিৰে দুটা দিশেৰে মানৱ সভ্যতাই প্ৰেৰণ কৰা প্ৰথম মহাকাশযান দুখন ভয়েজাৰ -১ আৰু ভয়েজাৰ -২ গৈ আছে । গৈ আছে, মহাকাশৰ পৰা প্ৰাপ্ত সৌৰশক্তিৰ দ্বাৰা ঘন্টাত ৩০০০০ মাইলৰো অধিক গতিৰে। আৰু দুয়ো প্ৰেৰণ কৰা তথ্য ধৰা পৰিছে নাছাৰ গ্ৰাউণ্ড ষ্টেচনত।
কিন্তু সম্প্ৰতি ভয়েজাৰ-১ মহাকাশযানে প্ৰেৰণ কৰা কিছুমান ভুল তথ্য পৃথিৱীত গ্ৰহণ কৰা হৈছে হেতুকে এক জটিল ৰহস্য ঘনীভূত হৈছে। কাৰণ, বিজ্ঞানীসকলে ধৰিব পৰা নাই এনে তথ্য ভ্ৰান্তিৰ কাৰণ কি!
এতিয়া দুটা গুৰুত্বপূৰ্ণ প্ৰশ্ন উত্থাপন হৈছে। প্ৰথমটো হ’ল, ভয়েজাৰ-১ হয়তো কোনো কৃষ্ণগহ্বৰত প্ৰৱেশ কৰিছে অথবা মহাকাশযান খনত কোনো যান্ত্ৰিক ত্ৰুটি হৈছে। যদি যান্ত্ৰিক ত্ৰুটি, তেনেহ’লে সেয়া এতিয়াও ধৰিব পৰা নাই। প্ৰাথমিক পৰীক্ষা- নিৰীক্ষাৰ পিছত নাছাৰ বিজ্ঞানীসকলে কৈছে, ‘তেনে কোনো যান্ত্ৰিক ত্ৰুটি ধৰা নপৰিলেও তথ্যৰ বিভ্ৰান্তি হৈছে। অথচ পৃথিৱীৰ পৰা তথ্য ভয়েজাৰ-১ খনলৈ প্ৰেৰণ কৰাৰ ক্ষেত্ৰত বা ভয়েজাৰ-১ মহাকাশযানে পৃথিৱীলৈ তথ্য প্ৰেৰণ কৰাত কোনো আহুকাল হোৱা নাই।’
বিজ্ঞানীসকলে এতিয়া ভয়েজাৰ -১ অৰ সমস্যাৰ সন্ধানত ব্যস্ত হৈ পৰিছে। বিজ্ঞানী সকলৰ এটা দলে তথ্য বিশ্লেষণ কৰি আছে আৰু জনাইছে, ভয়েজাৰ-১ অৰ নিয়ন্ত্ৰণ বহুলাংশে থাকে ‘এটিচ্যুদ্ আৰ্টিকুলেশ্যন’ আৰু কন্ট্ৰোল চিষ্টেমৰ ওপৰত, কিন্তু সেই চিষ্টেমৰ পৰা পোৱা তথ্যৰ পৰা জানিব পৰা নাই ভয়েজাৰ -১ অৰ ভিতৰত কি হৈছে! মহাকাশযান ভয়েজাৰ -১ মহাজাগতিক অঞ্চলত নানান প্ৰতিকূল পৰিস্থিতিৰ মাজেৰে গৈ আছে আৰু অজান অংশত প্ৰৱেশ কৰা বুলি অনুমান কৰা হৈছে। সেইবাবেও এনে সমস্যা হ’ব পাৰে।
এতিয়া প্ৰশ্ন উত্থাপন হৈছে, ভয়েজাৰ -১ কৃষ্ণগহ্বৰৰ ভিতৰত সোমাই পৰিল নেকি! কাৰণ, কৃষ্ণগহ্বৰৰ মাজেৰে কোনো তৰঙ্গ অহা-যোৱা কৰিব নোৱাৰে। সেয়ে হয়তো তৰঙ্গৰ বিচ্যুতি হ’ব পাৰে বুলি এচাম বিজ্ঞানীয়ে আশংকা কৰিছে।
29-05-2022
Mahabahu.com is an Online Magazine with collection of premium Assamese and English articles and posts with cultural base and modern thinking.
Related Posts
Sunita Williams and Butch Wilmore Return to Earth After an Unexpected 9-Month Space Stay!
Sunita Williams and Butch Wilmore Return to Earth After an Unexpected 9-Month Space Stay! KAKALI DAS Kakali Das NASA astronauts...
Read moreDetails
Mahabahu: An International Journal Showcasing Premium Articles and Thought-Provoking Opinions on Global Challenges—From Climate Change and Gender Equality to Economic Upliftment.