মই যদি অসমৰ জাতীয় নায়ক হলোহেতেন (৫)

নিৰলা ইংহিপী

জাতীয় নায়ক

RelatedPosts

Taliban Bans Windows in Residential Buildings to Restrict Women’s Visibility!

January 23, 2025

১৯৩৫: অসম সাহিত্য সভাৰ বাৰ্ষিক সন্মিলনৰ অভ্যৰ্থনা সমিতিৰ সভাপতিৰ অভিভাষণ, তেজপুৰ

January 23, 2025

Renewable Energy- the need of the hour!!

January 23, 2025

“শদিয়াৰপৰা ধুবুৰী

সেউজীয়া অসমী

মহাবাহু চিৰপ্ৰৱাহী

জীপাল আমাৰ সংস্কৃতি।”

পৰিচয়ঃ

উত্তৰ-পূৰ্বাঞ্চলৰ এখন উল্লেখযোগ্য ৰাজ্য হ’ল অসম। নদ-নদী, পাহাৰ-পৰ্বত, খনিজ সম্পদেৰে পৰিপূৰ্ণ এখন মনোমোহা প্ৰদেশ। ইয়াৰ প্ৰাকৃতিক পৰিৱেশ ইমানেই ধুনীয়া কোনো এজন পৰ্যটকৰ বাবে গৱেষণাকেন্দ্ৰ অতি আকৰ্ষণীয় বিষয় হৈ পৰে। প্ৰাকৃতিক পৰিৱেশৰ উপৰি কৃষ্টি-সংস্কৃতি অতি মনোৰম। নানা জাতি-জনগোষ্ঠীৰ মিলনৰ ধাম অসম এখন পুণ্যভূমি। সাহিত্য-সংস্কৃতিত চহকী ভঁৰালেৰে প্ৰতিজন অসমীয়াক এক সুকীয়া কৰি তোলে। জাতীয় সংস্কৃতি বিহুকে আদি কৰি চ’মাংকান, আলি-আই-লৃগাং, বিচুৱা, বৈশাখী আদি বিভিন্ন জনজাতীয় লোকে নিজৰ স্বকীয়তা ৰক্ষা কৰাৰ উপৰি বৃহৎ অসমীয়া জাতি-ভাষা সংৰক্ষণৰ বিশেষ অৰিহণা যোগাইছে। অসম এখন বৈচিত্ৰ্যৰ মাজত ঐক্যৰে এক সুকীয়া ৰাজ্য।

মূল বিষয়ঃ

১৮২৬ চনৰ ইয়াণ্ডাবু সন্ধিৰ পাছৰপৰা অসমখন ইংৰাজৰ হাতলৈ যায়। সেই সময়ৰ অসমখন বৃহৎ অসম আছিল। বৰ্তমান অৰুণাচল, মেঘালয়, নাগালেণ্ড, মিজোৰাম, মণিপুৰ, ত্ৰিপুৰা সকলো অসমৰে অংশ আছিল। কিন্তু অসমৰ ৰাজনৈতিক বাতাৱৰণ ইমান দুৰ্বল যে অসমে নিজক বচাবলৈ এক প্ৰত্যাহ্বানৰ সন্মুখীন হ’ব লগা হৈ পৰিছে। ফলত এটি এটিকৈ নিজ অংশবোৰ হেৰুৱাবলগীয়া হৈছে। এনে ৰাজনৈতিক অস্থিৰতাই বিৰাজ কৰি থাকিলে অনতিপলমে অসমে অন্য দুখন অংশ কাৰ্বি আংলং ডিমা হাছাও আৰু বড়োলেণ্ড অংশটি হেৰুৱাবলৈ বাধ্য হ’ব। গতিকে অসমত এজন সুদক্ষ সৃষ্টিশীল জাতীয় নায়ক প্ৰয়োজন হৈ পৰিছে।

এই প্ৰেক্ষাপটত মই এগৰাকী জাতীয় নায়কৰূপে নিজকে প্ৰতিষ্ঠা কৰিবলৈ উদ্যত হৈ পৰিছো। সৰুৰেপৰা সমাজৰ কাম-কাজ কৰি ভালপোৱা আৰু বিভিন্ন NGO, আত্মসহায়ক গোটসমূহৰ লগত কাম কৰি ভাল পাইছিলো। সমাজৰ অতি নিম্ন লোকসকলৰ লগত বন্ধুত্ব কৰি বা কথা পাতি ভাল পাইছিলো। ইতিমধ্যে সাধাৰণ লোকসকলৰ লগত ভাব বিনিময় কৰি তেওঁলোকৰ মনৰ কথাবোৰ বুজি উঠিছো।

গতিকে মোৰ আত্মবিশ্বাস হৈ উঠিছে যে মই এগৰাকী অসমৰ জাতীয় নায়কৰ বাবে উপযুক্ত ব্যক্তি।

জাতীয় নায়ক হিচাপে ল’বলগীয়া পদক্ষেপ ঃ জাতীয় নায়ক হোৱাৰ পাছত মোৰ বিভিন্ন পদক্ষেপৰ ভিতৰত প্ৰথম দহ প্ৰকাৰৰ পদক্ষেপ ল’বলৈ প্ৰস্তুত হ’ম।

১) দুৰ্নীতিমুক্ত অসম, ২) আন্তৰ্জাতিক সীমা, ৩) ব্ৰহ্মপুত্ৰৰ নদীখনন, ৪) নাগৰিক আইন সংশোধনী বিধেয়ক বাতিল, ৫) অসমৰ বাবে বৰণীয় সংস্কৃতি সংৰক্ষণ, ৬) প্ৰাকৃতিক সম্পদ সংৰক্ষণ আৰু সুব্যৱহাৰ, ৭) মহিলাৰ আত্মৰক্ষাৰ বাবে বিশেষ কলা-কৌশলীৰে প্ৰশিক্ষণ, ৮) শিক্ষিত যুৱকক ব্যৱসায়ৰ প্ৰতি আগ্ৰহ জন্মোৱা, ৯) পৰিৱেশ প্ৰদূষণ নিবাৰণৰ বিভিন্ন পদক্ষেপ, ১০) নাগৰিকসকলৰ ৰাজনৈতিক সচেতনতা বৃদ্ধি কৰা।

প্ৰথম কথা হ’ল এগৰাকী শিক্ষিত সুনাগৰিক হিচাপেও অসমখনক ধ্বংসৰ পথৰপৰা ঘূৰাই অনা মোৰ জাতীয় স্বাৰ্থ আৰু প্ৰকৃত কৰ্তব্য। গতিকে অসমৰ জাতীয় নায়ক হিচাপে মোৰ প্ৰথম পদক্ষেপ হ’ব দুৰ্নীতিমুক্ত অসম গঢ়া। গ্ৰাম্য অঞ্চলৰপৰা চহৰলৈ এই দীঘলীয়া যাত্ৰাতেই সংঘটিত হয় দুৰ্নীতি নামৰ কলংক চিৰবৈৰী সমাজ উন্নতি দুষ্কাৰ্য।

অসমৰ প্ৰতিটো অনুষ্ঠান-প্ৰতিষ্ঠানৰপৰা দুৰ্নীতি আঁতৰাব লাগিব। প্ৰতিজন কৰ্মচাৰীক দুৰ্নীতি নকৰিবলৈ সুব্যৱস্থা গ্ৰহণ কৰিব লাগিব। দুৰ্নীতিমুক্ত কৰিব নোৱাৰিলে দেশ এখন কেতিয়াও আগবাঢ়িব নোৱাৰে। গতিকে মোৰ প্ৰথম পদক্ষেপ হ’ব দুৰ্নীতিমুক্ত অসম গঢ়ি তোলা।

দ্বিতীয়তে, আন্তৰ্জাতিক সীমাত আধুনিকৃত বেৰ দিয়া। সেই কাম বহুত আগতে নকৰাৰ বাবে আজি নৱপ্ৰজন্মই অসংযত প্ৰতিবাদ কৰিবলৈও বাধ্য হৈ পৰিছে, গতিকে জাতীয় নায়ক হিচাপে মোৰ দ্বিতীয় পদক্ষেপ হ’ব অসমৰ আন্তৰ্জাতিক সীমা বন্ধা।

তৃতীয়তে, ব্ৰহ্মপুত্ৰ খননকাৰ্য অতি জৰুৰী বুলি ভাবো। ইয়াক খনন কৰিলে অসম ৰাইজে বানপানীৰপৰা ৰক্ষা পাব।

চতুৰ্থতে, নাগৰিকৰ আইন সংশোধনী বিধেয়ক। ই যে এক জটিল প্ৰশ্ন, গোটেই অসমবাসীৰ নহয় ভাৰতৰে সমস্যা। কিন্তু কথা হ’ল এই আইন প্ৰণয়ন কৰাৰ লগে লগে ভাৰতৰ বিভিন্ন ৰাজ্যয়ে অসুবিধাৰ সৃষ্টি নহ’ব। কিন্তু অসমৰ বা উত্তৰ-পূৰ্বাঞ্চলৰ জনসাধাৰণে বৰ আৱেগিক সেয়া সকলোৱে জানে। গতিকে অসমলৈ সেই নাগৰিকসকলৰ বহন দায়িত্ব ৰাজনৈতিকভাৱে জাপি দিব। আমাৰ দেশ বেচা বদনসকলে নিজৰ স্বাৰ্থৰ সম্বলিত কাৰ্যৰ বাহিৰে কৰিবলৈ হাতত সময় নাথাকে। সেয়েহে এই বিধেয়কখনক সম্পূৰ্ণ বিৰোধিতাৰে মোৰ স্থিতি ৰক্ষা কৰিম। সম্পূৰ্ণ অৰ্থত মই অসমৰ জাতীয় নায়ক হ’ব বিচাৰো।

এইদৰে মোৰ প্ৰথম দহটা পদক্ষেপ সম্পূৰ্ণৰূপে ৰূপায়ণ কৰিম। এই দহটা পদক্ষেপ অতি শীঘ্ৰে কাৰ্যক্ষেত্ৰত সম্পাদন কৰিব লাগিব।

মোৰ প্ৰথম পদক্ষেপ হ’ল— দুৰ্নীতিমুক্ত কৰা। অসমখন সম্পূৰ্ণ দুৰ্নীতিমুক্ত হ’লে ইয়াত থকা সকলো জাতি-ধৰ্ম, ভাষা-ভাষী, দুখীয়া-নিছলা সকলোৱে সমভাৱে চলিব পাৰিব। দুৰ্নীতিমুক্ত হোৱাৰ লগে লগে বাকী থকা সকলোবোৰ পদক্ষেপ তেনেই সহজ হৈ যাব।

সামৰণিঃ এইদৰে মই মোৰ সপোন বাস্তৱত ৰূপায়িত কৰিবলৈ সম্পূৰ্ণৰূপে ত্যাগ কৰিবলৈ প্ৰস্তুত হৈ পৰিছো। এখন সোণৰ অসমৰ বাহিৰে মোৰ সপোন বাস্তৱ একো থাকিব নোৱাৰে।

সেয়েহে ইয়াৰ জৰিয়তে মোৰ দেশৰ প্ৰতিগৰাকী আই, পিতা, বন্ধু-বান্ধৱ আৰু মোৰ অনুজসকলক দেশৰ প্ৰতি অনুৰাগ থাকিবলৈ কাতৰ আহ্বান। আপোনালোকৰ সহায়-সহযোগিতায়ে মোৰ সফল আৰু মোৰ সফল মানে আপোনালোকৰ জয়।

আহক আমি আকৌ গঢ়ো আমাৰ লুইতপৰীয়া “সুন্দৰ পুণ্য ধাম” অসমী আইক নিজ হাতেৰ শুদ্ধ মনেৰে সুখৰ প্ৰতিমা গঢ়ো।

জয় আই অসম।

[ মহাবাহু আৰু মাল্টিকালশ্বাৰেল এডুকেশ্বনেল ডেভেলপমেন্ট ট্ৰাষ্ট‘ৰ সৌজন্যত সদৌ অসম ভিত্তিত অনুষ্ঠিত হোৱা ৰচনা প্ৰতিযোগিতাৰ যুটীয়াভাৱে তৃতীয় পুৰস্কাৰ প্ৰাপ্ত ৰচনা]