মানুহে মানুহৰ বাবেঃ অঙ্গদান সম্পৰ্কীয় এখন মননশীল গুৰুত্বপূৰ্ণ চুটি-ছৱি

মানুহে মানুহৰ বাবে

দিলীপ দৈমাৰী

গুৱাহাটীৰ প্ৰেছক্লাৱত ২০২২ চনৰ ১০ ডিচেম্বৰ তাৰিখে এক গাম্ভীৰ্যপূৰ্ণ পৰিৱেশত বিশিষ্ট চিকিৎসক ডা° শশাংক কুমাৰ বৰুৱাৰ নেতৃত্বত প্ৰস্তুত কৰা এখন চুটি-ছৱি ‘মানুহে মানুহৰ বাবে ‘ প্ৰদৰ্শিত হয়।

এই চুটি-ছৱিখনৰ মূল বিষয়বস্তু হৈছে ‘অঙ্গদান‘ আৰু সম্ভৱতঃ এইখনেই অসমৰ পৰা প্ৰথমবাৰৰ বাবে এনে বিষয়ৰ ওপৰত নিৰ্মিত হোৱা প্ৰথমখন ছৱি বা চুটি-ছৱি।

সৈনিক স্কুল গোৱালপাৰাৰ ১৯৮১-৮৮ বৰ্ষৰ প্ৰাক্তন ছাত্ৰ সকলে নিৰ্মাণ কৰা এই ছৱিখন সমাজৰ প্ৰতি থকা দায়বদ্ধতা আৰু অঙ্গদানৰ দৰে গুৰুত্বপূৰ্ণ বিষয়টো মানুহৰ মাজলৈ অধিক প্ৰসাৰিত কৰি মানুহক সজাগ তথা সহযোগী কৰিবলৈ নিষ্ঠা সহকাৰে প্ৰয়াস কৰা হৈছে।

When Summers Stopped Being Fun: How Climate Change Stole Our Childhood

July 9, 2025

বিৱর্তনৰ ধামখুমীয়াত বিয়া

July 9, 2025

Deloitte’s Indian Crossroads: Navigating a Perfect Storm of Global and Local Pressures

July 9, 2025

ছৱিখনেৰে মূল বাৰ্তা কঢ়িয়াই নিয়াৰ ক্ষেত্ৰত ছৱিখনৰ কাহিনীকাৰ, পৰিচালক, অভিনেতা সকল সফল হৈছে।

‘মানুহে মানুহৰ বাবে‘ শীৰ্ষক চুটি-ছৱিখনেৰে বিশেষকৈ ভাঙি ধৰা হৈছে ‘মগজু মৃত্যু‘ৰ পটভূমিত কৰা অঙ্গদানে একেসময়তে মৃত্যুৰ বাবে ক্ষণ গণি থকা বহুতৰ বাবে ‘নতুন জীৱন’ৰ চাবি-কাঠিস্বৰূপ হৈ পৰিব পাৰে যদিও বিষয়টো অতি স্পৰ্শকাতৰ তথা সেইসম্পৰ্কে সচেতনতাৰ অভাৱৰ পৰিপ্ৰেক্ষিতত, তেনেধৰণৰ অঙ্গদান হোৱা পৰিলক্ষিত নহয় বা সচেতনতাৰ অভাৱেই তেনেধৰণৰ অঙ্গদানৰ বাটত হেঙাৰ হৈ দেখা দিয়ে, আৰু সমাজত সেইসম্পৰ্কে কোনো ধৰণৰ গুৰুত্বপূৰ্ণ আলোচনাও নহয়।

‘মগজু মৃত্যু’ হোৱা‌ মানৱ‌ শৰীৰৰ পৰা প্ৰতিস্থানযোগ্য অঙ্গসমূহ ( যেনেঃ বৃক্ক, হৃদপিণ্ড, হাওঁফাওঁ, যকৃত আদি) অতি নিপুণ অস্ত্ৰোপচাৰৰ সহায়ত উলিয়াই আনি অঙ্গ বিকল হৈ মৃত্যুৰ ক্ষণ গণি থকা অইন ৰোগীক শৰীৰত সংৰোপন কৰিব পাৰি আৰু নতুন জীৱন দান দিব পাৰি।

এই মহত্তপূৰ্ণ তথা গুৰুত্বপূৰ্ণ বিষয়টো এই চুটি-ছৱিখনে এক বাৰ্তা হিচাপে মানুহৰ মাজলৈ কঢ়িয়াই নি সচেতনতা বৃদ্ধি কৰিবলৈ আৰু অঙ্গদান সম্পৰ্কে আগবাঢ়ি আহিবলৈ যি প্ৰয়াস কৰিছে, তাৰবাবে সৈনিক স্কুল গোৱালপাৰাৰ প্ৰাক্তন ছাত্ৰ সকলৰ লগতে চুটি ছবিখনৰ সৈতে জড়িত সকলোৱেই অসমৰ সমাজ জীৱনৰ কৃতজ্ঞতাৰ পাচনৰ হৈ থাকিব।

উল্লেখযোগ্য যে অঙ্গদানৰ ক্ষেত্ৰত যে জাতি, ভাষা, ধৰ্ম, ধনী-দুখীয়া বুলি একো বিভেদ নাই, সেই কথাও অতি সুন্দৰকৈ উপস্থাপন কৰা হৈছে।

মানুহে মানুহৰ বাবে — মূত্ৰতন্ত্ৰ আৰু বৃক্ক সংৰোপন বিশেষজ্ঞ ডা° শশাংক কুমাৰ বৰুৱা

মূত্ৰতন্ত্ৰ আৰু বৃক্ক সংৰোপন বিশেষজ্ঞ ডা° শশাংক কুমাৰ বৰুৱাৰ কাহিনীৰে নিৰ্মিত ছবিখনৰ চিত্ৰনাট্য আৰু পৰিচালনা ৰাতুল বৈশ্যৰ।

ছবিখনত অভিনয় কৰা সৈনিক স্কুলৰ প্ৰাক্তন ছাত্ৰ তথা গুৱাহাটী চিকিৎসা মহাবিদ্যালয়ৰ চুপাৰ স্পেচিয়েলিটি হস্পিতালৰ কৰ্মীবৃন্দকে ধৰি অভিনয় কৰা প্ৰায়ভাগ অভিনেতা সম্পূৰ্ণ অপেছাদাৰী যদিও সাৱলীলভাৱে অভিনয় কৰি বাৰ্তা কঢ়িয়াই নিয়াৰ ক্ষেত্ৰত সফল হৈছে।

২৯ মিনিটৰ এই ছবিখনে সমাজত অঙ্গদানৰ দৰে স্পৰ্শকাতৰ বিষয়টো, বিশেষকৈ মগজু মৃত্যুৰ পটভূমিত সম্ভৱপৰ অঙ্গদানৰ দৰে গুৰুত্বপূৰ্ণ বিষয়টো অদূৰ ভৱিষ্যতে প্ৰসাৰিত কৰি ইয়াক এক জন-আন্দোলনলৈ পৰিণত হোৱাৰ ক্ষেত্ৰত বাটকটীয়া হ’ব বুলি আশা কৰিব পাৰি।

অনুষ্ঠানৰ সৈতে সঙ্গতি ৰাখি ডা° শশাংক কুমাৰ বৰুৱাৰ দ্বাৰা ৰচিত ‘অঙ্গদান – অঙ্গ প্ৰতিষ্ঠাপনঃ ইয়াৰ প্ৰয়োজনীয়তা আৰু আনুষঙ্গিক সমস্যা‘ শীৰ্ষক এখন তথ্য সম্বলিত হাতপুথি উপস্থিত সকলোৰে মাজত বিতৰণ কৰা হয়।

‘মানুহে মানুহৰ বাবে’ চুটি ছবিখনৰ ভিডিঅ’ লিংকটো তলত দিয়া হ’লঃ

Attachments area

Preview YouTube video “মানুহে মানুহৰ বাবে” Short film on ORGAN DONATION. Produce by SSG 1981-88 Batch

“মানুহে মানুহৰ বাবে” Short film on ORGAN DONATION. Produce by SSG 1981-88 Batch

Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)