যোৱা ৩০ বছৰৰ স্বাধীনতাতকৈ আগন্তুক ৯০ দিন ইউক্ৰেইনৰ বাবে অধিক গুৰুত্বপূৰ্ণ হ’ব : জেলেনস্কি

আগন্তুক ৯০ দিন ইউক্ৰেইনৰ বাবে অধিক গুৰুত্বপূৰ্ণ হ’ব

দিলীপ দৈমাৰী 

ৰাষ্ট্ৰপতি ভল’ডিমিৰ জেলেনস্কিয়ে ১৭ সংখ্যক বাৰ্ষিক ইয়াল্টা ইউৰোপীয় কৌশল (YES) সন্মিলনত অংশগ্ৰহণ কৰে য’ত তেওঁ দেশখনৰ ইউৰোপীয় ইউনিয়নৰ সদস্যপদ, ৰাছিয়াৰ দ্বাৰা পৰিচালিত শক্তি সংকট, আৰু যুদ্ধত জয়ী হ’বলৈ ইউক্ৰেইনৰ কি প্ৰয়োজন সেই বিষয়ে বক্তব্য আগবঢ়ায়।

RelatedPosts

Emotional speech of Italian P.M. Giorgia Meloni in the country’s parliament to support Ukraine

March 27, 2023

Russia’s full-scale defeat will be a reliable guarantee against new aggressions: Volodymyr Zelenskyy

March 27, 2023

“We have to be ready to pay a price to put an end to the war” PM of Finland Sanna Marin

March 27, 2023

ৰাষ্ট্ৰপতিগৰাকীয়ে জোৰ দি কয় যে “শান্তি লাভৰ বাবে তিনিটা মৌলিক চৰ্ত আছে – অস্ত্ৰ, গোলাবাৰুদ, বিত্ত” আৰু লগতে কয় যে “যুদ্ধত ইউক্ৰেইনৰ প্ৰতি সমৰ্থন বজাই ৰাখিব লাগিব”।

জেলেনস্কিয়ে কয় যে এই (আগন্তুক) শীতকালৰ অহা ৯০ দিনত ইউক্ৰেইনৰ প্ৰতিৰোধ, ইউৰোপৰ প্ৰতিৰোধ আৰু বিশ্বৰ প্ৰতিৰোধ ভংগ কৰিবলৈ ৰাছিয়াই সকলো চেষ্টা কৰি আছে।

জেলেনস্কিয়ে কয়, “ইউক্ৰেইনৰ স্বাধীনতাৰ ৩০ বছৰতকৈ আগন্তুক ৯০ দিন অধিক গুৰুত্বপূৰ্ণ হ’ব। ইউৰোপীয় সংঘৰ অস্তিত্বৰ সকলো বছৰতকৈ এই ৯০ দিন অধিক গুৰুত্বপূৰ্ণ হ’ব। শীতকালে আমাৰ ভৱিষ্যত আৰু বিপদসমূহ নিৰ্ধাৰণ কৰিব।”

ৰাষ্ট্ৰপতিগৰাকীৰ মতে, ৰাছিয়াই ইউৰোপক গেছ যোগান ধৰাৰ কোনো উদ্দেশ্য নাই আৰু ইউক্ৰেইনৰ প্ৰতি ইউৰোপীয় সমৰ্থন হ্ৰাস কৰাৰ প্ৰয়াসত শক্তিক শেষ দৰদামৰ চিপ হিচাপে ব্যৱহাৰ কৰি আছে। তেওঁ কয় যে নিশ্চিত হওক যে ৰাছিয়াই শূন্য গেছ যোগান দিব, আৰু ইয়াৰ বাবে আমাৰ শক্তি ব্যৱস্থাসমূহ সম্পূৰ্ণৰূপে সাজু হ’ব লাগিব।

অৱশ্যে জেলেনস্কিৰ মতে ইউৰোপে বৰ্তমানৰ অসুবিধাবোৰ অতিক্ৰম কৰিব পাৰে।

তেওঁ লগতে কয়, “আমি যুঁজিব লাগিব। শীতকাল সহ্য কৰিব লাগিব। যিসকল দুৰ্বল তেওঁলোকক সহায় কৰক। যিসকলক সুৰক্ষাৰ প্ৰয়োজন তেওঁলোকক সুৰক্ষা দিয়ক। যি সীমিত হ’ব পাৰে তাত নিজকে সীমিত কৰক। আৰু ৰাছিয়াক সীমিত কৰা উচিত সকলো কামতে সীমিত কৰক।”

ভাষণৰ সময়ত জেলেনস্কিয়ে লগতে কয় যে বৰ্তমান ৰাছিয়াৰ সৈতে আলোচনা সম্ভৱ নহয়, কিয়নো ৰাছিয়াৰ ৰাষ্ট্ৰপতি ভ্লাদিমিৰ পুটিনক বিশ্বাস কৰিব নোৱাৰি।

তেওঁ কয় যে বৰ্তমান যুদ্ধৰ অন্ত পৰাৰ সন্দৰ্ভত ৰাছিয়ান ফেডাৰেচনৰ সৈতে কোনো আলোচনা সম্ভৱ নহয়। 

“তেওঁলোকে প্ৰতিশ্ৰুতি পালন কৰিব বুলি কোনো আস্থা নাই”, এনেদৰে কোৱাৰ উপৰিও জেলেনস্কিয়ে লগতে কয় যে যুদ্ধক্ষেত্ৰত ৰাছিয়াক পৰাস্ত কৰাৰ বাহিৰে ইউক্ৰেইনৰ হাতত আন কোনো উপায় নাই।

তেওঁ লগতে কয়, “আমি সকলোৱে জয়ত বিশ্বাস কৰোঁ, আৰু সেইটোৱেই মূল কথা। আমাৰ মূল অস্ত্ৰ হ’ল আমি বিজয়ক বিশ্বাস কৰোঁ, জানো, অনুভৱ কৰোঁ।”

ইউক্ৰেইনৰ আন্তঃৰাষ্ট্ৰীয় লক্ষ্যৰ কথা ক’বলৈ গ’লে ইউৰোপীয় ইউনিয়নত যোগদান কৰাটো এক নম্বৰ অগ্ৰাধিকাৰ হৈয়েই আছে।

জেলেনস্কিয়ে কয় যে ৰাছিয়াই এই ভ্ৰমৰ সৃষ্টি কৰে যে ইউৰোপীয়সকলে এটা বাছনি কৰিব লাগিব – (শক্তি) মূল্য আৰু মূল্যবোধৰ মাজত, স্বাধীনতা আৰু নিৰাপত্তাৰ মাজত, স্বাধীনতা আৰু শান্তিৰ মাজত এক কঠিন পছন্দ। “কিন্তু তেনে কোনো বিকল্প নাই।”

ইউক্ৰেইনৰ অবিহনে ইউৰোপৰ একত্ৰীকৰণ সম্পূৰ্ণ কৰাটো অসম্ভৱ বুলিও তেওঁ কয়। “এয়া হ’ব এটা ঐতিহাসিক মুহূৰ্ত, এটা ঐতিহাসিক সময় – যেতিয়া ইউৰোপৰ বাবে আমাৰ ৰাষ্ট্ৰক আদৰি লোৱাটো এক সন্মানৰ কথা হ’ব। যিখন ৰাষ্ট্ৰ জয়ী হ’বই।”