শ্ৰীসত্য সাই বাবাৰ ৯৭ সংখ্যক জন্ম দিৱস

শ্ৰীসত্য সাই বাবা

সাই ৰাম

০৮.১১.২০২২ তাৰিখ মঙ্গলবাৰে শ্ৰী সত্য সাই বাবাৰ ৯৭ সংখ্যক জন্ম দিৱসৰ লগত সংগতি ৰাখি শ্ৰী সত্য সাই সেৱা সংগঠন, অসম আৰু উত্তৰ-পূৰ্বাঞ্চলৰ সৌজন্যত আৰু শ্ৰী সত্য সাই সেৱা সমিতি, গুৱাহাটীৰ উদ্যোগত যোৰপুখুৰী স্থিত সাধনা নিলয়মত এখনি সাংস্কৃতিক সন্ধিয়াৰ আয়োজন কৰা হয়।

সভাৰ আৰম্ভণিতে স্বামীৰ বেদীত বন্তি প্ৰজ্জ্বলন কৰে শ্ৰী সত্য সাই সেৱা সংগঠন, ভাৰতবৰ্ষৰ উত্তৰপূৰ্বাঞ্চলৰ মাণ্ডলিক সভাপতি শ্ৰী যুত সত্যেন শৰ্মা, অসম আৰু উত্তৰ পূৰ্বাঞ্চলৰ ৰাজ্যিক সভাপতি ডঃ গকুল দাস, অসম আৰু উত্তৰ পূৰ্বাঞ্চলৰ ন্যাসৰ ন্যাসৰক্ষী কৰ্ণেল অৰুণ শৰ্মা, কামৰূপ জিলাৰ সভাপতি শ্ৰী যুত নাৰায়ণ পেগু আৰু গুৱাহাটী সমিতিৰ আহ্বায়ক শ্ৰী মিতুল দাসে দেৱে।

আদৰণী ভাষণ প্ৰদান কৰে আধ্যাত্মিক শাখাৰ ৰাজ্যিক সমন্বয়ৰক্ষী ডঃ মুক্তা বিশ্বাসে।

sad isolated young woman looking away through fence with hope

ইয়াৰ পাছত সাই ভগ্নী আৰু বাল বিকাশৰ ছাত্র ছাত্ৰীসকলে বেদপাঠ কৰে। সাই ভাতৃ সুশীল সেনগুপ্তা আৰু পুতুল দাসে গুৰু নানকজীৰ জন্ম দিৱস উপলক্ষে দুটা সৰ্ব ধৰ্মৰ ভজন গাই সকলোকে মোহিত কৰে।

এই অনুষ্ঠানৰ মুখ্য আকৰ্ষণ আছিল স্বনামধন্য গায়িকা, আমাৰ সকলোৰে পৰিচিত প্ৰণতি খাউণ্ড আৰু তেওঁৰ জীয়ৰী সঞ্জীতা খাউণ্ড।

প্রণতি খাউণ্ড বাবাৰ এগৰাকী নীৰৱ ভক্ত আৰু সত্য সাই সংগঠনৰ লগত তেখেত বহু বছৰৰ পৰা ওতপ্ৰোত ভাৱে জড়িত হৈ আছে।আজিৰ এই অনুষ্ঠানত তেখেত সকলে পৰিবেশন কৰা ভজনে সকলোকে মন্ত্ৰ মুদ্ধ কৰি ৰাখে।

গুৱাহাটী পৌৰ নিগমৰ আয়ুক্ত শ্ৰী যুত মেঘা নিধি দাহলৰ উপস্থিতিয়ে এই অনুষ্ঠানৰ সৌষ্ঠৱ বৃদ্ধি কৰে।

তেখেত বালবিকাশৰ এজন প্ৰাক্তন ছাত্র আৰু সাই সংগঠনৰ লগত বহুদিনৰপৰা জড়িত হৈ আছে। বাল বিকাশৰ শিক্ষাই তেওঁৰ জীৱনত কেনে ধৰণৰ প্ৰভাৱ পেলাইছে সেই বিষয়ে তেওঁৰ বক্তব্যত সুন্দৰ কৈ বাখ্যা কৰে।

সদৌ অসম ছাত্ৰ সন্থাৰ উপদেষ্টা সমুজ্জল কুমাৰ ভট্টাচাৰ্য আৰু উপ সভাপতি শ্ৰী যুত বিপুল ৰাভা দেৱৰ উপস্থিতিয়ে সভাৰ সৌন্দৰ্য্য বৃদ্ধি কৰে।

শ্ৰী যুতা প্ৰণতি খাউণ্ড আৰু তেখেতৰ জীয়ৰী সঞ্জীতা খাউণ্ডক শ্ৰী সত্য সাই সেৱা সংগঠনৰ তৰফৰপৰা এখনি ফুলাম গামোচা,এড়ী শ্বল, ফ্ৰেম কৰা স্বামীৰ ফটো, সনাতন সাৰথি আৰু গুৰুনানক জয়ন্তী উপলক্ষে এখনকৈ কৃপানেৰে সম্বৰ্ধনা জনোৱা হয়।

সকলোকে শলাগৰ শৰাই আগবঢ়ায় ৰাজ্যিক শিক্ষা যুটীয়া সমন্বয় ৰক্ষী ডঃ অদিতি দাসে।

শেষত শ্ৰী সত্যেন শৰ্মা দেৱৰ দ্বাৰা স্বামীৰ চৰণত মঙ্গল আৰতি প্ৰদানেৰে এই অনুষ্ঠানৰ সামৰণি পৰে।

09-11-2022

Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)