হজৰত মহম্মদেও বিতৰ্ক কৰা সকলোকে ক্ষমা কৰি দিছিল
ৰেজাউল কৰিম
হজৰত মহম্মদেও বিতৰ্ক কৰা সকলোকে ক্ষমা কৰি দিছিল
ৰেজাউল কৰিম
আমাৰ দেশৰ প্ৰথমখন বাল্যবিবাহ বিৰোধী আইন – Sharada Act 1929 । এই আইনখনে প্ৰথমবাৰৰ বাবে ছোৱালীৰ বিয়াৰ ন্যুনতম বয়স 14 বছৰ বুলি নিৰ্ধাৰণ কৰি দিছিল। আইনখন কাৰ্যকৰী কৰোতে গোড়া হিন্দু আৰু মুছলমান সকলে বিৰোধ কৰিছিল। ইয়াৰ আগলৈ ছোৱালীৰ বিয়াৰ কোনো ন্যুনতম বয়স ধাৰ্য নাছিল।
হিন্দু মুছলিম উভয়ৰে ধাৰণা আছিল ইমান ডাঙৰ বয়সলৈ ছোৱালী ঘৰত ৰখাটো উচিত নহয়।ইন্টাৰনেটত খুচৰি চাই গম পালো যে, 1931 চনত হোৱা লোকপিয়লৰ প্ৰতিবেদনত প্ৰকাশ পাইছিল যে এই আইনখন প্ৰৱৰ্তন হোৱাৰ পৰা লোকপিয়ল হোৱাৰ সময়লৈকে পাচ বছৰ বয়সৰ তলৰ ছোৱালীৰ বিয়া দিয়া সংখ্যাটো হেনো আগৰ তুলনাত চাৰিগুণ বৃদ্ধি পাইছিল।
“এনে অবস্থাত চৈধ্যশ বছৰ আগত হজৰত মহম্মদে ন বছৰীয়া আয়েশাক বিয়া কৰোৱা ঘটনাটোক চৰিত্ৰ হননৰ ঘটনা বুলি আমি নাভাবো। নবী চৰিত সমূহত এই কথা লিখা আছে আৰু পৃথিৱীৰ সকলোৱে এই কথা জানে। কোনোবাই যদি উদ্দেশ্য প্ৰণোদিতভাৱে নবীজনাৰ কুৎসা ৰটনা কৰিবলৈও এই কথা কয় তাত ধৰ্মীয় অনুভূতিত আঘাত লগাটো অস্বাভাৱিক নহয়। কিন্তু তাৰ হিংসাত্মক প্ৰতিবাদ কোনো কাৰণতে সমৰ্থনযোগ্য নহয়।”
অৰ্থাৎ, হিন্দু মুছলমান উভয় ধৰ্মৰ ৰক্ষণশীল সকলে নিজৰ ঘৰত থকা ছোৱালীক ধামধুম বিয়া পাতি ঘৰ খালি কৰিবলৈ উঠি পৰি লাগিছিল যাতে আইনখনৰ বাবে ঘৰত ছোৱালী ডাঙৰ হৈ থাকিব লগাত নপৰে। আমাৰ দেশত বাল্যবিবাহক মান্যতা দিয়া সকলে পুৰুষৰ চৰিত্ৰগত দোষ দেখা নাছিল।
এনে অবস্থাত চৈধ্যশ বছৰ আগত হজৰত মহম্মদে ন বছৰীয়া আয়েশাক বিয়া কৰোৱা ঘটনাটোক চৰিত্ৰ হননৰ ঘটনা বুলি আমি নাভাবো। নবী চৰিত সমূহত এই কথা লিখা আছে আৰু পৃথিৱীৰ সকলোৱে এই কথা জানে। কোনোবাই যদি উদ্দেশ্য প্ৰণোদিতভাৱে নবীজনাৰ কুৎসা ৰটনা কৰিবলৈও এই কথা কয় তাত ধৰ্মীয় অনুভূতিত আঘাত লগাটো অস্বাভাৱিক নহয়। কিন্তু তাৰ হিংসাত্মক প্ৰতিবাদ কোনো কাৰণতে সমৰ্থনযোগ্য নহয়। অসমত দেখোন কেইজনমানে ইয়াতকৈও জঘন্যভাৱে হজৰত মহম্মদ আৰু মুছলমানৰ বিৰুদ্ধে অহৰহ বিষবাষ্প বিয়পাই আছে।
হজৰত মহম্মদক তেওঁ জীয়াই থাকোতে কিমানে কিমান প্ৰকাৰে অপমান কৰিছে তাৰ লেখ জোখ নাই। কতা তেওঁ দেখোন কাকোৱেই কোনো প্ৰতিবাদ কৰা দেখা নাপাও। হোদাইবিয়াৰ যুদ্ধ বিৰতি সন্ধি পত্ৰত তেখেতে আল্লাহৰ ৰছুল বুলি স্বাক্ষৰ কৰোতে মক্কাৰ কোৰেশ সকলে প্ৰতিবাদ কৰিছিল। কাৰণ তেওঁলোকে হজৰত মহম্মদক পয়গম্বৰ বুলি নামানে। এই কথাত হজৰত মহম্মদে তেওঁৰ নামৰ পিছত থকা আল্লাহৰ ৰছুল শব্দটো নিজে কাটি দিছিল। অথচ তেওঁ ইতিমধ্যেই ৰছুল বুলি জনাজাত আছিল।
একে ধৰণে আয়েশাক লৈও অনেক বিতৰ্ক হৈছিল। বিতৰ্ক কৰা সকলোকে তেওঁ ক্ষমা কৰি দিছিল।
ভাৰতৰ ইতিহাসৰ আধুনিক কালৰ সৰ্বশ্ৰেষ্ঠ মনিষীজন হৈছে স্বামী বিবেকানন্দ। তেখেতৰ মাতৃৰ বিয়া হৈছিল মাত্ৰ দহ বছৰ বয়সত। ক’তা এইটোতো কোনো বিতৰ্কিত বিষয় নহয়।
এইজন মনিষীয়ে আজিৰ পৰা এশ বিছ বছৰ আগতেই কৈ গৈছে যে ‘No religion ever persecuted men, no religion ever burnt witches, no religion ever did any of these things. What then incited people to do these things ? Politics, but never religion ; but if such politics takes the name of religion whose fault is that ?’
এৰা, যেতিয়ালৈ ধৰ্মক ৰাজনীতিয়ে পৰিচালনা নকৰে তেতিয়ালৈ ধৰ্ম কেতিয়াও মানব হিতৰ বিপৰীতে নাযায়।
হিন্দু কি মুছলমান, সকলোৰে ক্ষেত্ৰত এইটোৱেই প্ৰযোজ্য।
স্বামী বিবেকানন্দৰ এই কথা যিমান সোনকালে উপলব্ধি কৰিব পাৰি সিমানেই সকলোৰে মঙ্গল।
Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)
Related Posts
English Language Imperialism and Our Mother Tongues Today
English Language Imperialism and Our Mother Tongues Today Sanjeev Kumar Nath Sanjeev Kumar Nath The English language is so much...
Read more
Mahabahu is a collection of premium articles, opinions and writes from the writers all around the world.