২০০ গ্ৰামৰ পেকেটত ইউক্ৰেনৰ ঝেলেনস্কিৰ নামেৰে অসমৰ চাহ

ইউক্ৰেনৰ ঝেলেনস্কিৰ নামেৰে অসমৰ চাহ

• দিলীপ দৈমাৰী

RelatedPosts

Bhattadev University Hosts Pivotal Discourse on Climate Crisis and Solutions

May 23, 2025

GreenTech Festival 2025: Prof. Anabel Ternès Champions Biodiversity as the Future of Sustainability

May 23, 2025

ৰাজবংশী জাতিগঠন প্ৰক্ৰিয়াঃ সংমিশ্ৰণ আৰু সমাহৰণ প্ৰসংগ

May 23, 2025

ৰাছিয়াই ইউক্ৰেনৰ ওপৰত আক্ৰমণ আৰম্ভ কৰাৰে পৰা ইউক্ৰেনৰ ৰাষ্ট্ৰপতি ভ্লডিমিৰ ঝেলেনস্কি Volodymyr Zelenskyy)-এ সকলোৰে দৃষ্টি আকৰ্ষণ কৰিবলৈ সক্ষম হৈছে। ৰাছিয়াৰ প্ৰৱল পৰাক্ৰমৰ সন্মুখতো নতজানু নহৈ নজিৰবিহীন দেশপ্ৰেমৰ চানেকি তেওঁ ডাঙি ধৰিছে আৰু সমগ্ৰ ইউক্ৰেনবাসীৰ মাজত বিৰল জাতীয়তাবাদী ঢৌ বোৱাই দিবলৈও সক্ষম হৈছে। 

আজি সমগ্ৰ বিশ্বৰ দেশে দেশে দেশপ্ৰেমী মানুহৰ বাবে তেওঁ হৈ পৰিছে এগৰাকী ‘মহানায়ক’। অৱস্থা এনে হৈছে যেন ৰাছিয়াই অৱশেষত বিজয়ী হ’লেও ‘পৰাজিত’ হ’ব, আৰু জয়ী হওক বা পৰাজয় বৰণেই কৰক – ঝেলেনস্কি ‘মহানায়ক’ হৈয়েই থাকিব।

এনে এক সময়তে সেইগৰাকী ঝেলেনস্কিৰ সাহস, নৈতিক বল, অদমনীয় দেশপ্ৰেমলৈ লক্ষ্য কৰিয়েই তেওঁক অভিবাদন জনাই ইউক্ৰেনৰ কিয়েভৰ পৰা ৫৭০০+ কিলোমিটাৰ নিলগত থকা গুৱাহাটীৰ এক চাহ প্ৰস্তুতকাৰক প্ৰতিষ্ঠানে ইউক্ৰেনৰ ৰাষ্ট্ৰপতি ভ্লডিমিৰ ঝেলেনস্কিৰ নামেৰে প্ৰস্তুত কৰিছে ‘ঝেলেনস্কি‘ চাহ!

গুৱাহাটীৰ প্ৰতিষ্ঠান ‘এৰোমিকা টি’ / Aromica Tea- এ বিগত দুই দশক ধৰি চাহৰ বিপনন কৰি আহিছে। এইবাৰ সেই প্ৰতিষ্ঠানে এক নতুন ধৰণৰ চাহ তৈয়াৰ কৰিছে। সেই চাহত অৰ্থোডক্স চাহৰ ফ্লেভাৰ থকাৰ উপৰিও চি.টি.চি. চাহৰো ‘স্ট্ৰং’ সোৱাদ আছে। দুয়োৰে সমাহাৰ যেন ঝেলেনস্কি সদৃশ হৈ পৰিছে! তিনি সপ্তাহ ধৰি চলি থকা যুদ্ধৰ পটভূমিত সৃষ্টি হোৱা ধ্বংসাৱশেষৰ মাজতো দেশপ্ৰেমী ঝেলেনস্কি দিনে দিনে উজলি উঠিছে আৰু সমগ্ৰ বিশ্বই তেওঁক অভিবাদন জনাইছে। তেওঁৰ এনে অদমনীয় চৰিত্ৰৰ বাবেই অসমত প্ৰস্তুত কৰা হ’ল ‘ঝেলেনস্কি – ৰিয়েলি স্ট্ৰং‘ চাহ। অহা দুসপ্তাহৰ ভিতৰতেই ই-কমাৰ্চ চাইটবোৰত এই চাহ উপলব্ধ হ’ব বুলি জানিব পৰা গৈছে। সম্প্ৰতি এই চাহ এৰোমিকা টি কোম্পানীৰ ৱেবচাইটৰ জৰিয়তে পোৱা যাব। ২০০ গ্ৰাম চাহৰ পেকেটৰ মূল্য ধাৰ্য কৰা হৈছে মাত্ৰ ৯০ টকা।