৩ জন মহাকাশচাৰীক লৈ পৃথিৱীত নামিল চীনা মহাকাশযান

পৃথিৱীত নামিল চীনা মহাকাশযান

মহাকাশত ১৮৩ দিন অতিবাহিত কৰাৰ পিছত পৃথিৱীলৈ উভতি আহিল চীনৰ ৩ জন মহাকাশচাৰী। যোৱা শনিবাৰে, ১৬-০৪-২০২২ তাৰিখে তেওঁলোকে উত্তৰ চীনত সফলতাৰে অৱণৰণ কৰিছে। চীনৰ মহাকাশ যাত্ৰাৰ হিচাব অনুযায়ী এয়াই প্ৰথমবাৰৰ বাবে দীৰ্ঘ সময়ৰ বাবে মহাকাশচাৰীয়ে মহাকাশত অতিবাহিত কৰিবলৈ সক্ষম হ’ল। 

সংবাদ সংস্থা এ-এফ-পিৰ খবৰ অনুসৰি মঙলগ্ৰহত এখন ৰোভাৰৰ সফল অৱতৰণৰ পিছত মহাকাশলৈ শ্বেনজাও-১৩ নামৰ মহাকাশযানত ৩ জন মহাকাশচাৰী চীনে মহাকাশলৈ প্ৰেৰণ কৰিছিল। আমেৰিকা যুক্তৰাষ্ট্ৰক প্ৰত্যাহ্বান জনাব পৰাকৈ মহাকাশতো মহাশক্তিধৰ হৈ উঠিবলৈ চীনে যে অবিৰত প্ৰয়াস কৰি আছে, তাৰেই যেন এয়াও এক উল্লেখযোগ্য উদাহৰণ। এই ৩ জন মহাকাশচাৰীৰ মাজত দুজন পুৰুষ আৰু এগৰাকী মহিলা। তেওঁলোক হ’ল যথাক্ৰমে ঝাই ঝিগাং, ইয়ে গুৱাংফু, ৱাং ইয়াপিং।

RelatedPosts

Before the Taliban & After the Taliban

May 17, 2022

First Person: I am a woman, a refugee, ‘I am who I am’

May 17, 2022

Assistive technology: a ‘life changer’ for those most in need

May 17, 2022

 
চীনৰ টিয়ানগং মহাকাশ কেন্দ্ৰত ‘টিয়ানে মডিউল’ত ৬ মাহ থকাৰ পিছত যোৱা শনিবাৰে ৰাতিপুৱা ১০ বজাৰ কিছুপৰ আগতে মহাকাশচাৰী ৩ জনে সৰু এখন মহাকাশযানৰ সহায়ত পৃথিৱীত অৱতৰণ কৰে। চীনৰ ৰাষ্ট্ৰীয় সংবাদ মাধ্যমৰ প্ৰতিবেদনত কোৱা হৈছে যে শ্বেনজাও-১৩ অৰ পৃথিৱীলৈ উভতি অহা মহাকাশযান খনে সফলতাৰে শনিবাৰে অৱতৰণ কৰিছে। 

যোৱা বছৰৰ অক্টোবৰ মাহত এই ৩ গৰাকী চীনা মহাকাশচাৰীয়ে চীনৰ উত্তৰ-পশ্চিমাঞ্চৰ গোবি মৰুভূমিৰ এক উৎক্ষেপণ কেন্দ্ৰৰ পৰা মহাকাশলৈ যাত্ৰা কৰিছিল। ২০২১-২২ চনত মানুহক লৈ চীনৰ প্ৰথম স্থায়ী মহাকাশ কেন্দ্ৰ টিয়ানগং অভিমুখে যি ৪ টা মিশ্যনৰ বিষয়ে কোৱা হৈছিল, এই মিশ্যনটো আছিল দ্বিতীয়। টিয়ানগং শব্দৰ অৰ্থ হৈছে ‘স্বৰ্গীয় স্থান। যোৱা নৱেম্বৰত প্ৰথম চীনা মহিলা হিচাপে ৱাং ইয়াপিং-এ মহাকাশত খোজ কাঢ়ে। উল্লেখযোগ্য যে অহা ২০৩০ চনৰ ভিতৰত আমেৰিকা আৰু ৰাছিয়াক মহাকাশৰ অভিযানৰ ক্ষেত্ৰত প্ৰৱল প্ৰত্যাহ্বান জনাবলৈ চীন সাজু হৈছে আৰু তাৰেই প্ৰস্তুতি চলাই আছে অহৰহ।
১৮-০৪-২০২২

Mahabahu.com is an Online Magazine with collection of premium Assamese and English articles and posts with cultural base and modern thinking.