জুবিন গাৰ্গৰ হৈছে কি!

জুবিন গাৰ্গৰ হৈছে কি!

যুগান্ত বায়ন

গীত আৰু সুৰৰ মায়াজালেৰে যোৱা তিনিটা দশক ধৰি শ্ৰোতা-দৰ্শকক মন্ত্ৰ মুগ্ধ কৰি ৰখা খেয়ালি মনৰ শিল্পী জুবিন গাৰ্গৰ শেহতীয়া কেতবোৰ কাৰ্য্যকলাপে শিল্পীগৰাকী অহমিকা আৰু অতি বেপেৰুৱা আচৰণৰ ৰোগত আক্ৰান্ত হৈ অসমৰ সংগীত জগতখনক ৰোগাক্ৰান্ত কৰাৰ যি এক পৰিৱেশৰ সৃষ্টি কৰা হৈছে সেয়া অতি দুৰ্ভাগ্যজনক। 

       যোৱা ২২ এপ্ৰিলৰ নিশা অসমৰ গৌৰৱ সত্ৰসমূহৰ পীঠস্থান ঐতিহ্যমণ্ডিত মাজুলীৰ গড়মূৰ ৰঙালী বিহু সন্মিলনৰ সাংস্কৃতিক অনুষ্ঠানত অংশগ্ৰহণ কৰি সত্ৰাধিকাৰসকলক এক অমাৰ্জিত আৰু অশোভনীয় বাক্য বানেৰে তুচ্ছ-তাচ্ছিল্য কৰাৰ লগতে অসমৰ জাতীয় জীৱনৰ হিয়াৰ আমঠু ভাৰতৰত্ন সুধাকণ্ঠ ড⁰ ভূপেন হাজৰিকাক সেই একেখন মঞ্চতে ১৯৬৫ চনত বকুল বনৰ কবি আনন্দচন্দ্ৰ বৰুৱাই বিশ্ববৰেণ্য শিল্পীগৰাকীক “সুধাকণ্ঠ” উপাধি প্ৰদান কৰিছিল বুলি আয়োজকসকলে সোৱৰাই দিওঁতে ভূপেন হাজৰিকাৰ নাম শুনাৰ লগে লগে এক প্ৰকাৰ খঙত অগ্নিশৰ্মা হৈ জুবিন গাৰ্গে “অহ ৰাম, মোক সেইবিলাক নালাগে। আজিৰ কামটো কৰক, বছ খটম কৰক” শীৰ্ষক অতি অৰুচিকৰ নিম্নমান দণ্ডৰ শব্দ প্ৰয়োগ কৰি অসমীয়া জাতিক বিশ্বৰ দৰবাৰত প্ৰতিষ্ঠা কৰা অসমৰ প্ৰতিটো পৰিয়ালৰ মণিকোঠাত সোমাই থকা শিল্পীগৰাকীকো চৰম অবজ্ঞা কৰাৰ বাবে দেখুওৱা ধৃষ্টতাই নতুন প্ৰজন্মৰ “Heart Throb” হিচাপে খ্যাত লাখ লাখ অনুৰাগীয়ে জুবিন গাৰ্গক “আদৰ্শ” হিচাপে গ্ৰহণ কৰা বৰ্তমানৰ প্ৰজন্মক “সুধাকণ্ঠ”ৰ জীৱনশৈলীৰ বিষয়ে এক বিৰূপ আৰু ঋণাত্মক ধাৰণাই স্থিতি লোৱাত সহায় কৰিব সেয়া নিশ্চিত।

“যিসময়ত মাতৃ ভাষা মাধ্যমৰ চৰকাৰী বিদ্যালয় সংকুচিত হৈ আহি, ব্যাপক হাৰত ৰমৰমীয়া ব্যৱসায়ীৰ স্বাৰ্থত ব্যক্তিগত বিদ্যালয়সমূহ গঢ়ি উঠিছে, লোকসেৱা আয়োগৰ পৰীক্ষাৰ পৰা অসমীয়া ভাষাক লুপ্ত কৰা হৈছে , বৰাক উপত্যকাত অসমীয়া ভাষাটো ক্ৰমান্বয়ে হেৰাই যোৱাৰ আশংকা ঘনীভূত হৈছে, ৰাজহ সংগ্ৰহৰ স্বাৰ্থত পুনৰ নতুনকৈ ২০৩ খন সুৰা বিপনী খোলাৰ সিদ্ধান্ত লোৱা হৈছে, ৩৮ লাখ শিক্ষিত নিৱনুৱাই অসমৰ জন জীৱনক ভাৰাক্ৰান্ত কৰি ৰাখিছে, এনে অতি সংকটপূৰ্ণ সময়ত শিল্পীগৰাকীয়ে যেনেদৰে এক সংগ্ৰামী স্থিতি গ্ৰহণ কৰি পূৰ্বতে অসমৰ শিল্পীসকলে প্ৰতিটো জাতীয় সমস্যাৰ লগত যিদৰে জড়িত হৈ থাকি এক ইতিহাস সৃষ্টি কৰিছিল, তেনেধৰণৰ ইতিহাস সৃষ্টিৰ ক্ষেত্ৰত শিল্পীগৰাকীৰ দোমোজাপূৰ্ণ প্ৰৱণতা অতি লক্ষণীয়। ২০১৪ চনৰ ১৯ মে’ৰ পিছত বাংলদেশীয়ে টালি-টোপোলা বান্ধি ভাৰত ত্যাগ কৰিব লাগিব বুলি ঘোষণা কৰা নেতাসকলৰ ক্ষেত্ৰটো শিল্পীগৰাকীৰ মৌনতা ৰহস্যজনক। 

উল্লেখযোগ্য যে, উক্ত অনুষ্ঠানত সেইদিনা জুবিন গাৰ্গক “সংগীত সিন্ধু” উপাধি প্ৰদান কৰা হৈছিল।

RelatedPosts

Who makes our heroes and enemies for us?

May 17, 2025

Is India’s Ceasefire a Sign of Defeat or Strategic Maturity?

May 15, 2025

Linguistic Variety in the Northeast of India and Language Death: How Concerned Are We?

May 13, 2025

       জুবিন গাৰ্গৰ এনে কৰ্মকাণ্ডবোৰ পৰ্যৱেক্ষণ কৰিলে ভাৱ হয় যেন, তেওঁ কথাবোৰ অতি সুপৰিকল্পিতভাৱে স্থান,কাল,পাত্ৰ অনুসৰি উপস্থাপন কৰিবলৈ ধৰিছে।

দেশৰ লোকসভা নিৰ্বাচনৰ ধামখোমীয়াৰ মাজত মধ্যবিত্ত আৰু নিম্ন মধ্যবিত্ত লোকসকলৰ সাধাৰণ জীৱন নিৰ্বাহত মূল্য বৃদ্ধিকে ধৰি প্ৰতিগৰাকী মানুহক চুই যোৱা অতি স্পৰ্শকাতৰ বিষয়বোৰৰ ওপৰত ৰাইজক সচেতন কৰাৰ সলনি এনে ৰাইজৰ দান-বৰঙণিৰে বিহুমঞ্চত গীত পৰিৱেশন কৰা শিল্পীগৰাকীয়ে কেতিয়াও সাধাৰণ ৰাইজৰ এনে সমস্যাসমূহৰ লগত সংপৃক্ত হোৱা নাই।

এই ক্ষেত্ৰত ৰাজনৈতিক দলসমূহক এক সুস্থ নীতি নিৰ্ধাৰণৰ ক্ষেত্ৰটো শিল্পীগৰাকীয়ে বাধ্য কৰাব পৰা নাই। বৰং শিল্পীগৰাকীৰ সাম্প্ৰতিক আচাৰ-ব্যৱহাৰে কোনো এক নিৰ্দিষ্ট পক্ষৰ সমৰ্থনত অৱস্থান কৰা যেনহে অনুমান হয়।

বৰ্তমানৰ নিৰ্বাচনী বতৰত প্ৰায় প্ৰতিটো দলে অসমক কৰি অহা বঞ্চনা, অৱহেলাৰ বিৰুদ্ধে ৰাইজক একত্ৰিত কৰাৰ বাবে শিল্পীগৰাকীয়ে এক দৃষ্টান্তমূলক পদক্ষেপ গ্ৰহণ কৰিব বুলি আশা কৰি থকা সময়তে অসমৰ সত্ৰ-সংস্কৃতিৰ নমস্য ব্যক্তিসকলক উদ্দেশ্যি উপলুঙাসূচক মন্তব্য প্ৰকাশ কৰি এক সুবিধাজনক স্থিতি গ্ৰহণ কৰিছে।

শ্ৰীকৃষ্ণৰ অস্তিত্বক অস্বীকাৰ কৰা শিল্পীগৰাকীয়ে অসমীয়া জাতিৰ জনক শ্ৰীমন্ত শঙ্কৰদেৱৰ নামত ১৯৮৫ চনতেই প্ৰৱৰ্তন কৰা “শঙ্কৰদেৱ বঁটা” আজি কেইবাবছৰ ধৰি প্ৰদান নকৰা বিষয়টোৰ ক্ষেত্ৰত কিন্তু তেওঁ নীৰৱ। 

       ৰাজ্যখনৰ জাতীয় জীৱনৰ কোনো এটা সমস্যাৰ ক্ষেত্ৰতে জনসাধাৰণক জাগ্ৰত কৰি ৰখাৰ বাবে শিল্পীগৰাকীয়ে কোনো ব্যৱহাৰিক কাৰ্য্যকলাপ গ্ৰহণ কৰা দেখা পোৱা নাযায়। “কা” সন্দৰ্ভত তেওঁৰ স্থিতি দোহাৰি আছে যদিও কাৰ্য্য ক্ষেত্ৰত এক বিৰাট শূণ্য।

যিসময়ত মাতৃ ভাষা মাধ্যমৰ চৰকাৰী বিদ্যালয় সংকুচিত হৈ আহি, ব্যাপক হাৰত ৰমৰমীয়া ব্যৱসায়ীৰ স্বাৰ্থত ব্যক্তিগত বিদ্যালয়সমূহ গঢ়ি উঠিছে, লোকসেৱা আয়োগৰ পৰীক্ষাৰ পৰা অসমীয়া ভাষাক লুপ্ত কৰা হৈছে , বৰাক উপত্যকাত অসমীয়া ভাষাটো ক্ৰমান্বয়ে হেৰাই যোৱাৰ আশংকা ঘনীভূত হৈছে, ৰাজহ সংগ্ৰহৰ স্বাৰ্থত পুনৰ নতুনকৈ ২০৩ খন সুৰা বিপনী খোলাৰ সিদ্ধান্ত লোৱা হৈছে, ৩৮ লাখ শিক্ষিত নিৱনুৱাই অসমৰ জন জীৱনক ভাৰাক্ৰান্ত কৰি ৰাখিছে, এনে অতি সংকটপূৰ্ণ সময়ত শিল্পীগৰাকীয়ে যেনেদৰে এক সংগ্ৰামী স্থিতি গ্ৰহণ কৰি পূৰ্বতে অসমৰ শিল্পীসকলে প্ৰতিটো জাতীয় সমস্যাৰ লগত যিদৰে জড়িত হৈ থাকি এক ইতিহাস সৃষ্টি কৰিছিল, তেনেধৰণৰ ইতিহাস সৃষ্টিৰ ক্ষেত্ৰত শিল্পীগৰাকীৰ দোমোজাপূৰ্ণ প্ৰৱণতা অতি লক্ষণীয়। ২০১৪ চনৰ ১৯ মে’ৰ পিছত বাংলদেশীয়ে টালি-টোপোলা বান্ধি ভাৰত ত্যাগ কৰিব লাগিব বুলি ঘোষণা কৰা নেতাসকলৰ ক্ষেত্ৰটো শিল্পীগৰাকীৰ মৌনতা ৰহস্যজনক। 

      যোৱা ২১ এপ্ৰিলত বেলতলা বিহুতলিত ভাৰতবৰ্ষৰ এগৰাকী যশস্বী শিল্পী জৰ্জ বেকাৰে জুবিন গাৰ্গৰ সন্মুখতেই তেওঁৰ হেজাৰ হেজাৰ অনুগামীৰ অভব্য আচৰণত অতিস্ত হৈ সেইসকল অনুগামীক সংযত হ’বলৈ কৈ ভূপেন হাজৰিকাৰ বিষয়ে জানিবলৈ কাণ আৰু মগজু সক্ৰিয় হ’ব লাগিব বুলি তিৰ্যকভাৱে কৰা মন্তব্যই জুবিন গাৰ্গক আগলৈ সচেতন কৰিব নে?

কিয়নো কৈশোৰ আৰু যৌৱনৰ সন্ধিক্ষণত থকা জুবিন গাৰ্গৰ লাখ লাখ অনুৰাগীৰ অধিকাংশই ভালটোৰ সলনি বেয়াবোৰৰ প্ৰতিহে বেছিকৈ আকৰ্ষিত হয়। এইবাৰৰ বিহুমঞ্চৰ জুবিন গাৰ্গৰ অনুষ্ঠানবোৰৰ পৰিৱেশ অধ্যয়ন কৰিলে এই ভয়াৱহ ছবিখন স্পষ্ট হৈ পৰে। 

        সময়বোৰ বৰ নিষ্ঠুৰ। ৰাইজৰ বৰ নাওঁ বামেৰেও বয়। এটা সময়ত অসমীয়া আধুনিক গীত আৰু অসমীয়া চলচ্চিত্ৰ উদ্যোগ বন্ধ হৈ যোৱাৰ উপক্ৰম হওঁতে জুবিন গাৰ্গে গ্ৰহণ কৰা অনবদ্য অৱদানক অসমৰ ৰাইজে সদায় স্মৰণ কৰি যাব যদিও বৰ্তমানৰ শিল্পীগৰাকীৰ এনে শিশু সুলভ আৰু অমাৰ্জিত আচৰণে শিল্পীগৰাকীৰ অনবৈদ্য অৱদানসমূহক যেন দুৰ্বল কৰি তুলিব।

সময়ৰ আহ্বানক সন্মান জনাই নিশ্চয় জুবিন গাৰ্গে অনাগত দিনত পৰিশিলিত আৰু বিনয়ী আচৰণ কৰি জগত সভাক উজ্বলাই ৰখা অসমীয়া সংস্কৃতিৰ উত্তৰণত যোগাত্মক সহাঁৰি জনাব।

যুগান্ত বায়ন/৮৮৭৬৪১৫০৮৯

Images from different sources; 25-04-2024

Mahabahu.com is an Online Magazine with collection of premium Assamese and English articles and posts with cultural base and modern thinking.  You can send your articles to editor@mahabahu.com / editor@mahabahoo.com (For Assamese article, Unicode font is necessary)