ৰিজাৰ্ভ বেংকৰ ঘোষণা

অৰবিন্দ ৰাভা

আজি বুধবাৰে, ৪ মে’, ২০২২ তাৰিখে ভাৰতীয় ৰিজাৰ্ভ বেংকৰ আৰ্থিক নীতি কমিটিয়ে ‘ৰেপো ৰেট’ ৪০ বেচিছ পইন্ট (০.৪%) বৃদ্ধি কৰি ৪.৪% কৰাৰ লগে লগেই শ্বেয়াৰ বজাৰত ভয়ংকৰ খহনীয়া হোৱা পৰিলক্ষিত হৈছে। ৰেপো ৰেট সম্পৰ্কে ঘোষণা হোৱাৰ লগে লগেই বিপুল পতন হয় চেনচেক্সৰ, মুহুৰ্ততে ১৩০০ পইন্ট নামি যায় শ্বেয়াৰ বজাৰৰ সূচকাংক।

ৰিজাৰ্ভ বেংকে যি সুদৰ হাৰত বাণিজ্যিক বেংক সমূহক স্বল্পম্যাদী ঋণ দিয়ে, তাকেই ‘ৰেপো‌ ৰেট’ বোলা হয়। এই ৰেপো ৰেট বৃদ্ধি কৰাৰ ফলত বাসগৃহ, গাড়ী, মটৰ চাইকেল, স্কুটি আদি কিনিবলৈ হ’লে বেংকৰ পৰা লোৱা ঋণৰ সুদৰ হাৰ বৃদ্ধি পোৱাৰ সম্ভাৱনা প্ৰৱল হৈ পৰিছে বাবে শ্বেয়াৰ বজাৰত তাৰেই ইঙ্গিত দেখা গৈছে। অৰ্থাৎ, গৃহ ঋণ আদিৰ ‘ই-এম-আই’ বৃদ্ধি পাব পাৰে।

RelatedPosts

India cuts Russian oil dependence: economic impact on Moscow and potential benefits for Ukraine

February 12, 2026

How the US Dollar Became the World’s Most Powerful Currency? From Bretton Woods to Petrodollar

February 12, 2026

Why Did America and Iran Become Enemies? A History of Conflict, Oil, and Revolution

February 10, 2026

বিশেষজ্ঞসকলৰ একাংশই ধাৰণা কৰিছে যে মুদ্ৰাস্ফিতীক বশ কৰিবলৈ ৰিজাৰ্ভ বেংকে হঠাৎ সুদৰ হাৰ বঢ়াই দিয়াৰ লগে লগে বাণিজ্যিক বেংক সমূহেও ‘মাৰ্জিনেল কস্ট’ৰ ভিত্তিত ঋণৰ সুদৰ হাৰ বৃদ্ধি কৰাটো অৱশ্যাম্ভাৱী।

“এই ৰেপো ৰেট বৃদ্ধি কৰাৰ ফলত বাসগৃহ, গাড়ী, মটৰ চাইকেল, স্কুটি আদি কিনিবলৈ হ’লে বেংকৰ পৰা লোৱা ঋণৰ সুদৰ হাৰ বৃদ্ধি পোৱাৰ সম্ভাৱনা প্ৰৱল হৈ পৰিছে বাবে শ্বেয়াৰ বজাৰত তাৰেই ইঙ্গিত দেখা গৈছে।”

ৰেপো ৰেটৰ লগে লগে ৰিজাৰ্ভ বেংকে নগদ জমাৰ অনুপাত ( কেশ্ব ৰিজাৰ্ভ ৰেশ্বিঅ’) ৫০ বেচিছ পইন্ট কৰাৰ বিষয়েও ঘোষণা কৰিছে। অৰ্থাৎ, ৰিজাৰ্ভ বেংকত বাণিজ্যিক বেংকসমূহে বাধ্যতামূলক ভাবে জমা কৰা নগদ ধনৰ পৰিমাণ বাঢ়িছে।

ইয়াৰ ফলত বাণিজ্যিক বেংকসমূহৰ হাতত থকা নগদ ধনৰ পৰিমাণ কমি যাব আৰু গ্ৰাহকক ঋণ দিয়াৰ ক্ষেত্ৰত নিয়ন্ত্ৰণ বৃদ্ধি পাব।

04-05-2022

Mahabahu.com is an Online Magazine with collection of premium Assamese and English articles and posts with cultural base and modern thinking.