‘Cyber bullying’ আৰু আমাৰ সমাজ

‘Cyber bullying‘ আৰু আমাৰ সমাজ

সংঘমিত্ৰা কাশ্যপ

Cyber bullying, আমি কিমানে বাৰু এই শব্দটোৰ লগত পৰিচিত?

খুব কম, নহয়নে বাৰু?

RelatedPosts

“I felt like a big monster lived in my head, it’s like a lot of radio stations playing at the same time” : Adam Atkinson

March 23, 2023

An eviction of Dreams – will the unity of the people herald in a different tomorrow?

March 23, 2023

Menace of human trafficking in Assam

March 23, 2023

যদিও আমি cyber bullying কি বা কিয় নাজানো কিন্তু সকলোয়ে জীৱনত এবাৰ হ’লেও এনেকুৱা ঘটনাৰ সন্মুখীন হৈছোঁ। 

বৰ্তমান সময় বিজ্ঞান আৰু প্ৰযুক্তিৰ, আৰু এইক্ষেত্ৰত যথেষ্ট পৰিমাণে প্ৰভাৱ পেলোৱা বস্তুবিধ হৈছে ইণ্টাৰনেট, আৰু ইয়াৰ লগত জড়িত হৈ থকা Social Media ৰ মঞ্চ খন। দিন ৰাতি আমি সকলোৱে social media ৰ লগত জড়িত হৈ থাকো। বিভিন্ন সংবাদ আমি ইয়াৰ মাধ্যমৰ মাজেৰে আমি জানিব পাৰোঁ।

কিন্তু কেতিয়াবা আমি নিজেই ইয়াক ব্যৱহাৰৰ অনুপযোগী কৰি তোলোঁ, বিভিন্ন ঘটনাৰ প্ৰেক্ষাপটত আমি কিছুমান এনেকুৱা মন্তব্য বা আলোচনাৰ সৃষ্টি কৰো যি সঁচাই গ্ৰহণযোগ্য নহয়।

ইয়াৰ ভিতৰত আটাইতকৈ ভয়ংকৰ হৈ উঠা কথাটো হৈছে cyber bullying!

অৰ্থাৎ এটা ঘটনাৰ আঁৰ লৈ কাৰোবাৰ social media platform ত হাৰাশাস্তি কৰা, সমালোচনা কৰা, ব্যক্তিগত বাবে অশ্লীল বাৰ্তালাপ প্ৰেৰণ কৰা (পুৰুষ মহিলা উভয়কে), ভুল তথ্য প্ৰকাশ কৰা, কাৰোবাক হকে বিহকে সৰু কথা এটা লৈও সমালোচনা( ট্ৰল)কৰা, ইতিকিং কৰা , অনুমতি অবিহনে কাৰোবাৰ ফটো share কৰা , অশ্লীল আৰু ভয়সূচক মন্তব্য প্ৰতি দিনেই কৰা আৰু আন বহুতো। এক গৱেষণাৰ মতে প্ৰতি জনসংখ্যাৰ ৬০-৭০% লোক ইয়াৰ ভুক্তভোগী।

      সময়ৰ লগত আমি যিমান আগবাঢ়ি আহিছোঁ সিমানেই এইবোৰৰ পৰিমাণ বৃদ্ধিহে পাইছে।প্ৰতিদিনে আমি একোটা নতুন ঘটনাৰ সন্মুখীন হৈ আহিছোঁ লাগিলে নিজৰ লগতেই হওঁক নাইবা আনৰ লগতেই হওঁক।

কিন্ত হয়তো আমি পাহৰি গৈছোঁ ইয়াৰ পৰিণতি।

মনত ৰাখিব আপুনি বা আমিও কিন্তু কেৱল ভুক্তভোগীয়ে নহয় , ইয়াৰ অংশীদাৰো কিন্তু। কাৰোবাৰ গানৰ এটা শব্দ, অলপ সুৰ ভুল হ’লে, কথা এটা অজানিতে অলপ ভুলকৈ ক’লেই আমিয়েই আজিকালি সামাজিক মাধ্যমত নিজৰ নিজৰ মন্তব্যৰেএইবোৰ আলোচনা নকৰো জানোঁ?

কাৰোবাৰ কাপোৰ, ৰং ,শাৰীৰিক গঠন, মাত কথা লৈ দিনটো আমিবোৰেই ব্যস্ত নহয় জানো। তেনেহলে আমিও সকলোৱে ইয়াৰ কম বেছি পৰিমাণে জড়িত, হয় নে?

 এই ঘটনাবোৰে এজন ব্যক্তিক মানসিক ভাৱে বহুত বেছি ভাৰাক্ৰান্ত কৰি তোলে, বিশেষকৈ যিজনক লক্ষ্য কৰি কথা বোৰ আলোচনা হয়। তেওঁৰ লাহে লাহে খং বাঢ়িবলৈ লয়, সমাজৰ আগত ওলাবলৈ সংকোচ কৰে, হতাশাত ভোগে, খোৱা শোৱা সকলোৰে সালসলনি হয়, post traumatic stress disorder (PTSD) হ’ব পাৰে, আনকি কেতিয়াবা এজন ব্যক্তিক ই মৃত্যুৰ মুখলৈও ( আত্মহত্যা) ঠেলি দিব পাৰে।

ইয়াৰ পৰা নিজকে ৰক্ষা কৰিবলৈ বহুতো ব্যৱস্থা আছে। প্ৰথমেই, যদি কোনোবাই cyber bullying কৰিছে, তাক প্ৰশ্ৰয় নিদি নিজকে যিমান পাৰে আঁতৰাই ৰাখক। দ্বিতীয়তে , আপোনাৰ ল’ৰা বা ছোৱালী গৰাকীয়ে যদি এই ধৰণৰ কোনো কথা আপোনাক জনাইছে, এইবোৰ “ধেমালি হে কৰিছে” বুলি আওকাণ নকৰিব।তেওঁক সহায় কৰক আৰু ইয়াৰ বিতংকৈ তথ্যবোৰ গোটাবলৈ চেষ্টা কৰক।

ঘৰত বা আপোনাৰ আশে পাশে যদি কোনোবাই এনেকুৱা ঘটনাৰ সন্মুখীন হৈছে , তেওঁক মানসিক ভাৱে সহায় কৰক, ইয়াক লৈ কটু কথা নুশুনাব।

কোনোবাই যদি এইধৰণৰ কাম কৰিছে বিশেষকৈ অশ্লীল আৰু ভয়সূচক(threatening ) মন্তব্য, ট্ৰল কৰিছে , ফটো share কৰিছে তেনেহলে তৎক্ষণাত তাৰ আইনী ব্যৱস্থা লওঁক।

ই ভয় বা লাজৰ কথা নহয়।

আপোনাৰ সুৰক্ষাৰ বাবে প্ৰয়োজনীয়।

শেষত ইয়াৰ বিষয়ে সজাগ হওঁক আৰু সামাজিক মাধ্যমক পৰাপক্ষত ধনাত্মক আৰু উপযোগী বিষয়বোৰ পটভূমি কৰি তোলক।

সংঘমিত্ৰা কাশ্যপ,‌ মনোবিজ্ঞানী,(Counselling Psychologist)

Mahabahu.com is an Online Magazine with collection of premium Assamese and English articles and posts with cultural base and modern thinking.  You can send your articles to editor@mahabahu.com / editor@mahabahoo.com ( For Assamese article, Unicode font is necessary)