কৰ্ণাটক নিৰ্বাচনঃ বিজেপিৰ বিৰুদ্ধে কংগ্ৰেছ কেনেকৈ জয়লাভ কৰিলে?
কাকলি দাস
নিঃসন্দেহে কৰ্ণাটকৰ নিৰ্বাচনত কংগ্ৰেছে এক ঐতিহাসিক কৃতিত্ব অৰ্জন কৰিছে। ১৩৫খন আসনৰ সংখ্যাগৰিষ্ঠতাৰে কৰ্ণাটকত কংগ্ৰেছে জয়লাভ কৰিছে।
আনকি Electoral bonds, ED, Godi media, IT cell, CBI, communal politics আৰু মোডী-মহোদয়ৰ যাদুৰ শক্তিৰ উমৈহতীয়া প্ৰচেষ্টা স্বত্তেও ইয়াৰ ফল এনেকুৱা যে টিভি চেনেলবোৰে আমাৰ সৰ্বোচ্চ নেতা মোডী-মহোদয়ৰ ফটোখন পৰ্দাৰ পৰা আঁতৰাই দিব লগা হ’ল, আৰু জে.পি. নাড্ডাৰ ফটোখন পৰ্দাত লগাব লগা হ’ল । (দেহী ঐ)
কিন্তু এই অলৌকিকতা কেনেকৈ সম্ভৱ হ’ল? কেনেকৈ জয়ী হ’ল কংগ্ৰেছ? এনে ধন-পেশী শক্তিৰ পিছতো কিয় হাৰিল বিজেপি? ২০২৪ চনৰ ভাৰতৰ নিৰ্বাচনত ইয়াৰ প্ৰভাৱ কেনে হ’ব?
প্ৰতিবেদন অনুসৰি ২২৪ জনীয়া সদনত – কংগ্ৰেছে ১৩৫টা সমষ্টি, বিজেপিয়ে ৬৬, জেডি (এছ)ৰ ১৯খন আসন, আৰু আনসকলে ৪খন আসন লাভ কৰে। বাংগালুৰুত বিজেপিয়ে আসনৰ অংশীদাৰিত্ব বৃদ্ধি কৰিলে – পোষ্টেল কৰ্ণাটকত বৃদ্ধি পালে সংখ্যা। মধ্য কৰ্ণাটক, হায়দৰাবাদ কৰ্ণাটক আৰু বম্বে কৰ্ণাটকত কংগ্ৰেছে বিজেপিক পৰাস্ত কৰে। পুৰণি মহীশুৰ অঞ্চলত কংগ্ৰেছে ৬৪খন আসনৰ ভিতৰত ৪৪খন আসনেৰে জেডি (এছ) আৰু বিজেপি দুয়োকে পৰাস্ত কৰে।
কংগ্ৰেছৰ জয়ৰ কাৰণ
ৰাজ্যখনত বিজেপিৰ পৰাজয় আৰু কংগ্ৰেছৰ জয়ত কৰ্ণাটকৰ ইতিহাসে মুখ্য ভূমিকা পালন কৰে। কিন্তু এই নিৰ্বাচনত আচলতে কি হ’ল?
ইয়াৰ মূল কাৰণ হ’ল ৫টা –
১/ ‘গ্ৰাউণ্ডেড কেম্পেইনিং‘ – আৰম্ভণিৰে পৰাই কংগ্ৰেছে ৰাজ্যখনৰ কল্যাণ আৰু উন্নয়নৰ ধাৰণাৰ ওপৰত গভীৰভাৱে গুৰুত্ব আৰোপ কৰিছিল। সমীক্ষা অনুসৰি কৰ্ণাটকৰ ভোটাৰসকলৰ প্ৰধান চিন্তা হৈছে নিবনুৱা সমস্যা আৰু দৰিদ্ৰতা। নিঃসন্দেহে তেওঁলোক এই চৰ্তত হতাশ হৈছিল, কিন্তু কেৱল শাসনকাৰ্যৰ ব্যৰ্থতাৰ বিৰোধীতা কৰিলেই চৰকাৰখন স্বয়ংক্ৰিয়ভাৱে সলনি হোৱা সম্ভৱ নহয়।
গুজৰাটতো আটাইতকৈ ডাঙৰ সমস্যা নিবনুৱা সমস্যা, কিন্তু তাতো বিজেপিয়ে জয়ী হ’বলৈ সক্ষম হ’ল৷ কৰ্ণাটকৰ পাৰ্থক্যটো হ’ল ৰে এইবাৰ ৰাজ্যখনত কংগ্ৰেছৰ প্ৰচাৰ দুৰ্বল বা দৃষ্টিআকৰ্ষণহীন নাছিল।
কংগ্ৰেছৰ কৰ্মী আৰু নেতাসকলে জনসাধাৰণৰ এই জৰুৰী বিষয়সমূহ উত্থাপন কৰিবলৈ অদম্যভাৱে গাঁৱে-ভূঁয়ে কাম কৰিছিল – সম্প্ৰদায়ৰ লোকপিয়লৰ জ্বলন্ত বিষয়টো মানি লৈছিল, ৫টা নিশ্চয়তা প্ৰদান কৰিছিল যাতে দলটোৰ প্ৰতি মানুহৰ আস্থা লাভ কৰিব পৰা যায়।
কংগ্ৰেছৰ ৫ টা নিশ্চয়তা –
• গৃহ লক্ষ্মী –পৰিয়ালৰ মহিলা মুৰব্বীগৰাকীক মাহিলী ২০০০ টকা প্ৰদান
• গৃহ জ্যোতি – প্ৰতিমাহে সকলো ঘৰলৈ ২০০ ইউনিট বিনামূলীয়া বিদ্যুৎ যোগান
• আন্না ভাগ্য – বিপিএল পৰিয়াললৈ ১০কেজি চাউল, বিনামূলীয়া/ প্ৰতিজন ব্যক্তিলৈ/মাহে মাহে
• যুৱ নিধি – নিবনুৱা স্নাতকক ৩০০০ টকা আৰু নিবনুৱা ডিপ্লমাধাৰীক ১৫০০ টকা প্ৰতিমাহে
• ‘উচিতা প্ৰয়ানা’ আঁচনি – ৰাজ্যৰ সকলো মহিলাৰ বাবে বিনামূলীয়া বাছ সেৱা।
এই প্ৰতিশ্ৰুতিবোৰ কিমান দূৰলৈকে কাৰ্যকৰী হ’ব সেয়া সময়ে ক’ব। কাৰণ, প্ৰতিটো দলৰ প্ৰতিশ্ৰুতি পালনৰ বাবে কৰা কাৰ্য বা কাৰ্যকৰীকৰণৰ ট্ৰেক ৰেকৰ্ড গৌৰৱৰ বিষয় হোৱা নাই। কিন্তু এটা ধাৰণা হিচাপে এই প্ৰতিশ্ৰুতিসমূহে এই নিৰ্বাচনৰ সময়ত প্ৰভাৱ পেলাইছে।
ইয়াৰ সমান্তৰালকৈ কংগ্ৰেছে বিজেপিৰ সমস্যা বা দোষ যেনে –চৰকাৰী কাৰ্যালয়ত কামৰ আৱন্টনৰ বিপৰীতে ৪০% ঘোচ খোৱা বা উৎকোচ লোৱাৰ বিষয়ে প্ৰচাৰ – ইত্যাদি প্ৰণালীবদ্ধভাৱে আক্ৰমণ কৰি চৰকাৰ হিচাপে বিজেপি ৰাজ্যবাসীৰ বাবে যে বিপজ্জনক – তেনে ছবি এখন প্ৰদৰ্শন কৰি সফল হৈছিল।
২) বিজেপিৰ হিন্দুত্ববাদী ৰাজনীতিৰ সীমিত প্ৰচাৰ – বিজেপিৰ প্ৰচাৰৰ একমাত্ৰ কেন্দ্ৰবিন্দু হিজাব, হালাল, হিন্দু-মুছলমান আদি সমস্যাবোৰ (যিবোৰ দলে গুৰুত্বপূৰ্ণ বুলি গণ্য কৰিছিল) কিন্তু ভোটাৰক সন্তুষ্ট কৰিবলৈ কোনো কাৰ্যকৰী ইতিবাচক এজেণ্ডা নাছিল – ঝুমলাবাজী সদায়েই কেৱল জয়ী হৈ থাকিব নোৱাৰে’।
বিজেপিৰ যদি যদি এক স্পষ্ট ইতিবাচক এজেণ্ডা থাকিলহেঁতেন তেন্তে মানুহে নিশ্চয় লক্ষ্য কৰিলেহেঁতেন। সমীক্ষা অনুসৰি মানুহে, নিঃসন্দেহে, বিজেপিক দুৰ্নীতিগ্ৰস্ত বুলি বুজি উঠিছিল, কিন্তু তেওঁলোকৰ আগ্ৰহো বিজেপিৰ হিন্দু-মুছলমানৰ বিদ্বেষ প্ৰচাৰৰ নীতিৰ প্ৰতি বিশেষ নাছিল। ক’ৰবাত, এই হিন্দু-মুছলমান বিভাজনৰ আয়ুস, এই ঘৃণাৰ ৰাজনীতিৰ অন্ত হোৱা দেখা যায়, অন্ততঃ এই নির্বাচনটোত৷
ইয়াৰ উপৰিও বিজেপিত ৰাজ্যিক পৰ্যায়ৰ কোনো শক্তিশালী নেতা নাছিল – যেনেকৈ যদিও বি এছ য়েদিয়ুৰাপ্পা আছে, কিন্তু তেওঁৰ বয়স প্ৰায় ৮০ বছৰ, তেওঁ পৰম উদ্যমেৰে প্ৰচাৰ আৰু প্ৰভাৱ পেলোৱা সম্ভৱ নাছিল। আচলতে বিজেপি দল হিচাপে নিজৰ কেন্দ্ৰীয় নেতৃত্বৰ ওপৰত অত্যন্ত নিৰ্ভৰশীল হৈ পৰিল আৰু হঠাৎ ৰাজ্যখনৰ ভিতৰত পেৰাচুটেৰে নামি পৰিল।
লগতে, অন্তিম মুহূৰ্তত বিজেপিৰ আসনৰ সংখ্যা হয়তো সামান্য বৃদ্ধি পালে – কাৰণ আমাৰ সৰ্বোচ্চ নেতা মোদী- মহোদয়েও হঠাৎ ৰাজ্যখন ভ্ৰমণ কৰিছিল – যন্তৰমন্তৰৰ প্ৰতিবাদ আৰু মণিপুৰত হোৱা ব্যাপক ধ্বংসলীলাক আওকাণ কৰি। (ধীৰে ধীৰে হাত চাপৰি)
৩/ সাংগঠনিক সংহতি – সাংগঠনিক সংহতিৰ বাবে পৰিচিত বিজেপিয়ে এই নিৰ্বাচনত বিশেষ কাম কৰা নাছিল। তেওঁলোকৰ ৰাজ্যিক পৰ্যায়ৰ নেতাসকলৰ সৈতে তুলনামূলকভাৱে কংগ্ৰেছৰ প্ৰদৰ্শন উল্লেখযোগ্যভাৱে প্ৰভাৱশালী আছিল – সিদ্দাৰমৈয়া, মল্লিকাৰ্জুন খৰ্গে, ডি.কে.শিৱকুমাৰৰ সাংগঠনিকভাৱে এক শক্তিশালী নেতৃত্ব আছিল। য’ত বিজেপিয়ে মোডী, অমিত শ্বাহৰ দৰে একেই ৰাষ্ট্ৰীয় পৰ্যায়ৰ নেতাৰ মুখ তেওঁলোকৰ প্ৰচাৰৰ বাবে ‘মাস্কট’ হিচাপে প্ৰদৰ্শন কৰিছিল, কিন্তু কংগ্ৰেছে কৰ্ণাটকৰ স্থানীয় ঘৰুৱা নেতাক আগস্থানত ৰাখি ‘স্থানীয়ৰ বাবে কণ্ঠস্বৰ’ হৈ পৰিছিল।
আৰু এই আৱেগ ইমানেই শক্তিশালী হৈছিল যে কংগ্ৰেছে ৰাজ্যখন জয় কৰাত আহুকাল নহ’ল। লগতে কংগ্ৰেছৰ নেতা ৰাহুল গান্ধী ডাঙৰীয়াই ইতিহাসৰ পুনৰাবৃত্তি হ’বলৈ নিদিলে, পূৰ্বৰ দৰে প্ৰচেষ্টাক বিষাক্ত কৰিবলৈ ‘বাজে কথা’ উচ্চাৰণ নকৰাটো নিশ্চিত কৰিলে।
নিৰ্বাচনত প্ৰতিটো সমষ্টিতে কংগ্ৰেছৰ একেধৰণৰ মুখ দেখা গ’ল – প্ৰচাৰৰ সময়ত ৰাহুল গান্ধীয়ে উপস্থিত থাকিলেও পোষ্টাৰত স্থানীয় নেতাৰ মুখবোৰ একেই থাকিল। সিদ্দাৰমাইয়া আৰু ডি কে শিৱকুমাৰৰ মাজত যিমানেই পাৰ্থক্য নাথাকক কিয়, এই নিৰ্বাচনত দুয়োজনেই একত্ৰিত হৈ থিয় দিছিল।
বিজেপি, এই কৰ্ণাটক নিৰ্বাচনত অলপ হেৰাই যোৱা বা ছিন্নভিন্ন হোৱা যেন লাগিল। লিংগায়ত আধিপত্য থকা ৬৯খন আসনত কংগ্ৰেছে ৪৫খন, বিজেপিয়ে মাত্ৰ ২০খন আসনত জয়লাভ কৰে।
কিন্তু, এই কংগ্ৰেছৰ জয় কেৱল সম্প্ৰদায়ভিত্তিক ৰাজনীতিৰ ওপৰত ভিত্তি কৰি নহয় – আৰু এইটোৱেই হৈছে প্ৰকৃত খেল – ইমান সৰলভাৱে বুজাব নোৱাৰি।
৪) ৰামধেনু মিত্ৰজোঁট আৰু শ্ৰেণী সংগঠন – কংগ্ৰেছে ৰামধেনু মিত্ৰজোঁট আৰু শ্ৰেণী সংগঠন সাধন কৰিলে, আৰু এইটো যথেষ্ট প্ৰশংসনীয়। কংগ্ৰেছৰ উন্নয়নমুখী প্ৰতিশ্ৰুতি আৰু প্ৰচাৰৰ বাবেই এই নিৰ্বাচনত ই প্ৰচণ্ড বহল ভিত্তিৰ সমৰ্থন লাভ কৰিছিল। কংগ্ৰেছৰ প্ৰদৰ্শনে নিজৰ কথা কয় –
• লিংগায়তৰ আধিপত্য – কংগ্ৰেছৰ নেতৃত্ব
• ভোক্কালিগাৰ আধিপত্য – কংগ্ৰেছৰ নেতৃত্ব
• মুছলমান প্ৰধান অঞ্চল – কংগ্ৰেছৰ নেতৃত্ব
• অনুসূচিত জাতি প্ৰধান অঞ্চল – কংগ্ৰেছৰ নেতৃত্ব
• অনুসূচিত জাতি প্ৰধান অঞ্চল – কংগ্ৰেছে ঝাড়ু মাৰি পৰিষ্কাৰ কৰে
সংখ্যাইও দেখুৱাইছে যে পৰম্পৰাগত কংগ্ৰেছৰ ঘাটিৰ প্ৰতি তেওঁলোকৰ সমৰ্থন থাকিলেও কংগ্ৰেছে তেওঁলোকৰ সৈতে আন সম্প্ৰদায়কো একত্ৰিত কৰিবলৈ চেষ্টা কৰিছিল। আমোদজনক আৰু আচৰিত কথাটো হ’ল, কংগ্ৰেছৰ কোনোবাই এই নিৰ্বাচনত প্ৰতিটো পদক্ষেপৰ বাবে হিচাপ-নিকাচৰ কৌশল ৰচনা কৰিছিল, যিটো পূৰ্বৰ নিৰ্বাচনত দেখা পোৱা নাছিল। সমীক্ষা অনুসৰি কৰ্ণাটকৰ ৪৩খন বিধানসভাৰ আসনত পুৰুষতকৈ মহিলাৰ ভোটদানৰ হাৰ বেছি।
৫) উদীয়মান দ্বিমেৰুত্ব – এইটোৱেই শেষ কাৰক যিয়ে নিৰ্বাচনক ঐতিহাসিক জয়ৰ বাবে সহজ কৰি তোলে। জেডি(এছ)ৰ ভোট শ্বেয়াৰ ৫% হ্ৰাস পাইছে – অৰ্থাৎ এই নিৰ্বাচনত ১৭খন আসনৰ সংখ্যা কম। ইয়াৰ এটা কাৰণ হ’ল বিজেপিয়ে পুৰণি মহীশুৰ [জেডি(এছ)ৰ হটস্পট বুলি গণ্য কৰা]ত প্ৰৱেশ কৰিবলৈ চেষ্টা কৰিছিল, আৰু কিছু পৰিমাণে সফলো হৈছিল। আনহাতে কংগ্ৰেছেও তেওঁলোকৰ সংঘৰ্ষৰ পৰা সামান্য লাভৱান হৈছিল। আহক বিবেচনা কৰক – যদি জেডি(এছ)ৰ প্ৰতি ১০টা ভোট হেৰুওৱাৰ বাবে বিজেপিয়ে ৭টা আৰু কংগ্ৰেছে ৩টা লাভ কৰিছিল, তেন্তে ই তাত্ত্বিকভাৱে বিজেপিৰ বাবে ফলপ্ৰসূ হৈ পৰিছিল – কিন্তু ফলাফল কিছু পৰিমাণে গুজৰাটৰ দৰেই হৈ পৰিছিল।
গুজৰাটৰ দৰে – কাৰণ… একেদৰে পুৰণি মহীশুৰত – জেডি(এছ) আৰু বিজেপিৰ মাজত ভোট বিভাজনৰ বাবে কংগ্ৰেছে ‘ছুইপ’ কৰিলে – ৬৪খন আসনৰ ভিতৰত ৪৩খন আসন জেডি(এছ)ৰ দুৰ্গ হিচাপে থকা- এইবোৰ এতিয়া কংগ্ৰেছৰ হাতত।
এইবোৰ কিছুমান বিশেষ কাৰকে কৰ্ণাটক নিৰ্বাচন, ২০২৩ৰ ফলাফলত প্ৰভাৱ পেলাইছিল।
এই নিৰ্বাচনৰ মূল সাৰ:
এই সংখ্যাই দেখুৱাইছে যে কৰ্ণাটক ৰাজ্যত বিজেপিয়ে নিজৰ স্থান হেৰুৱাইছে, যিটো ক্ষতি মুখপাত্ৰসকলে হজম কৰিব নোৱাৰে –ইতিমধ্যে টিভিত ইজনে সিজনক অপমান কৰিবলৈ আৰম্ভ কৰিলে। আৰু আচলতে দুই এজন এংকৰে কৰ্ণাটকৰ নিৰ্বাচন খাৰিজ কৰি ইউ পিৰ স্থানীয় সংস্থাৰ নিৰ্বাচনৰ ফলাফল প্ৰদৰ্শন কৰিবলৈ আৰম্ভ কৰিলে – ৰাজ্যসমূহত যে তেওঁলোকৰ নেতা মোডীজীৰ প্ৰভাৱ এতিয়াও বাকী আছে সেই কথা প্ৰমাণ কৰিবলৈ।
অত্যধিক স্থানীয় সংস্থাৰ নিৰ্বাচনো টেলিকাষ্ট কৰা হোৱা নাছিল – জলন্ধৰ লোকসভা নিৰ্বাচনৰ ফলাফলৰ দৃশ্য বেছিকৈ দেখুওৱা হোৱা নাছিল য’ত বিজেপিয়ে ৪ৰ্থ স্থান দখল কৰিছিল।
কৰ্ণাটক নিৰ্বাচনৰ ফল কিছু পৰিমাণে স্ফটিক স্বৰূপ –
ক) কেৱল হিন্দু-মুছলমানৰ বিভাজনৰ ষড়যন্ত্ৰই সকলোতে কাম নকৰে, বিশেষকৈ দক্ষিণ ভাৰতত। কল্যাণ আৰু উন্নয়নৰ পতাকা অতি গুৰুত্বপূৰ্ণ, আৰু যিকোনো দলে নিবনুৱা, দৰিদ্ৰতা, পুষ্টিহীনতা আদিৰ স্থূল বাস্তৱতাক প্ৰাথমিক এজেণ্ডা হিচাপে লৈ কেতিয়াও নিৰ্বাচনত জয়ী হ’ব নোৱাৰিব। বিশ্বাস অৰ্জন আৰু ভোট বেংক লাভৰ বাবে স্থানীয় বিষয় উত্থাপন কৰাটো সাধাৰণ জ্ঞানৰ কথা – সাম্প্ৰদায়িক এজেণ্ডা আৰু যথেষ্ট নহয়। সেয়েহে বিজেপিৰ কৰ্ণাটক মডেল দুৰ্ভাগ্যজনকভাৱে বিফল হ’ল। কুখ্যাত হালাল খাদ্য বিতৰ্ক আৰম্ভ কৰা আৰু অৰ্থনৈতিক জেহাদৰ পতাকা লোৱা বিজেপিৰ ৰাষ্ট্ৰীয় সাধাৰণ সম্পাদক চি টি ৰবি চিকমাগালুৰত হাৰিল। হিজাব নিষেধাজ্ঞা বলবৎ কৰা আৰু মুছলমান ছাত্ৰ-ছাত্ৰীক স্কুলৰ পৰা বহিষ্কাৰ কৰা বিজেপিৰ শিক্ষামন্ত্ৰী বি চি নাগেশক পাছলৈ নিজৰ আসনৰ পৰা বহিষ্কাৰ কৰা হয়। আনহাতে, হিজাব পিন্ধা মুছলমান মহিলা কংগ্ৰেছৰ কানিজ ফাতিমাই গুলবৰ্গাৰ উত্তৰৰ পৰা জয়লাভ কৰে।
খ) মোডীৰ যাদুৰে সকলোতে কাম নহ’ব৷ ৰাষ্ট্ৰীয় বা আন্তঃৰাষ্ট্ৰীয় দল, স্থানীয় বিষয়সমূহৰ ওপৰত গুৰুত্ব দিব লাগিব। নিৰ্বাচনত প্ৰতিদ্বন্দ্বিতা কৰা ৰাজ্যৰ নেতাসকলক দৌৰত আগস্থানত ৰাখিব লাগিব। মল্লিকাৰ্জুন খাৰ্গেৰ উদাহৰণ লওক, যিজনক এআইচিচিৰ সভাপতি হোৱাৰ পিছত গান্ধী পৰিয়ালৰ পুতলা নেতা বুলি ট্ৰ’ল আৰু অপমান কৰা হৈছিল, কিন্তু কংগ্ৰেছৰ জয়ৰ কৃতিত্বৰ সৰহভাগেই এই ৮০ বছৰীয়া ব্যক্তিজনৰ – তেওঁৱেই নিৰ্বাচনত টিকট বিতৰণ, দলীয় ঐক্য আৰু প্ৰচাৰ পৰিচালনাৰ সুক্ষ্ম বিন্দুসমূহ পৰ্যালোচনা কৰিছিল।
গ) বিজেপিক পৰাস্ত কৰিব পাৰি – ই কোনো অসম্ভৱ কাম নহয়। আৰু এই কাম কংগ্ৰেছৰ দৰে দল এটাইও কৰিব পাৰে, এই কথা বিবেচনা কৰিলে দলটোৱে জনসাধাৰণৰ ওপৰত বহুদিনৰ পৰা হেৰাই যোৱা আস্থা পুনৰ লাভ কৰিবলৈ আৰু দখল কৰিবলৈ এক শক্তিশালী, ইতিবাচক, ফলপ্ৰসূ এজেণ্ডা আনে। আৰু, ভাৰতীয় জাতীয় কংগ্ৰেছ কমিটীয়ে অৱশেষত তেওঁলোকৰ ত্ৰুটি বুজি পাই তাৰ সমাধানৰ বাবে সংশোধন কৰিছে বুলি আশা কৰা যেন লাগে। কেতিয়াও নোহোৱাতকৈ দেৰি হোৱাটোৱেই ভাল! তাৰোপৰি, ‘ভাৰত জোডো’ যাত্ৰাত ৰাহুল গান্ধীয়ে সামৰি লোৱা ৫১খন আসনৰ ভিতৰত কংগ্ৰেছে ৩৬খন আসন লাভ কৰিছিল – অৰ্থাৎ কনিষ্ঠ গান্ধীয়ে মাহৰ পিছত মাহ ধৰি চলা প্ৰচেষ্টাত কিছু সফল হৈছে।
ইয়াৰ পিছত কি হ’ব? ডাঙৰ ডাঙৰ প্ৰশ্ন!
১. ‘অপাৰেচন পদুম'(লোটাছ)ৰ কি হ’ব?
– বিজেপিৰ মন্ত্ৰী আৰ অশোকে ফলাফলৰ পূৰ্বে ঘোষণা কৰিছিল যে যদি পৰিকল্পনা ‘ক’ বিফল হয় তেন্তে তেওঁলোকৰ হাতত কাম কৰিবলগীয়া পৰিকল্পনা ‘খ’ আছে। তেওঁ মুকলিকৈ উদাত্তকণ্ঠে কয় যে তেওঁলোকেই ক্ষমতালৈ আহিব, যিয়েই নহওক। (নয়ন বিস্ফোৰিত হয়) !
কোনো সাংবিধানিক নৈতিকতা বাকী নাই যেন লাগে। কংগ্ৰেছৰ স্পষ্ট জয়ৰ পিছত বিজেপিৰ অপাৰেচন পদুম (লোটাছ) যদিও কিছু পৰিমাণে হ্ৰাস হ’ব যেন লাগে, কিন্তু এতিয়াও সম্ভাৱনা আছে – কংগ্ৰেছ সজাগ হোৱাটোৱেই ভাল।
২. কোন হ’ব কংগ্ৰেছৰ মুখ্যমন্ত্ৰীৰ মুখ?
– যদিও দৃশ্যমান সংখ্যাগৰিষ্ঠতা আছে, তথাপিও দলৰ মুখ কোন হ’ব সেয়া স্পষ্ট নহয় – সিদ্দাৰমাইয়া নে ডি কে শিৱকুমাৰ? দুয়োগৰাকী নেতাই নিজৰ সমষ্টিত বৃহৎ অগ্ৰগতিৰে জয়লাভ কৰে। যদিও দুয়োজনেই মুখ্যমন্ত্ৰী হ’বলৈ সক্ষম, কিন্তু জ্যেষ্ঠতাৰ ভিত্তিত সীতাৰামায় হয়তো সিংহাসনত বহিব। আগন্তুক দিনত গম পোৱা যাব, দলটোৱে তেওঁলোকৰ মাজত হোৱা আভ্যন্তৰীণ বিবাদ কেনেদৰে সমাধান কৰে।
৩. জেডি(এছ)ৰ ভৱিষ্যত কি? ৰজাঘৰ কোন হ’ব লাগিছিল? তেওঁ কেৱল পণ্য হৈয়েই থাকিবনে?
জেডি(এছ)ৰ ভাগ্য আৰু ভৱিষ্যত যেন ম্লান হৈ পৰিছে। প্ৰাক্তন মুখ্যমন্ত্ৰী এইচ ডি কুমাৰস্বামীৰ পুত্ৰ নিখিল কুমাৰস্বামীয়ে জেডি(এছ)ৰ নিৰাপদ আসন ৰামনাগৰমৰ পৰা ১০ হাজাৰ ভোটত পৰাস্ত হয়। স্থানীয় দলসমূহৰ মিত্ৰতা কংগ্ৰেছে কেনেদৰে বিবেচনা কৰিব সেয়া লক্ষণীয় হ’ব।
৪. কংগ্ৰেছৰ মতাদৰ্শ কি হ’ব? কংগ্ৰেছে ৰাষ্ট্ৰীয় নিৰ্বাচনত বিজেপিক প্ৰতিদ্বন্দ্বিতা কৰিব পাৰিবনে?
অৱশ্যে কৰ্ণাটকত এই ডাঙৰ জয়ে দলটোক আত্মবিশ্বাস আৰু উত্থানৰ ভাৱ দিছে যদিও এই গতি বজাই ৰখাটোও সহজ নহ’ব৷ ২০২৪ চনৰ নিৰ্বাচনত মোডী পুনৰ ক্ষমতালৈ অহাৰ আঁৰৰ কাৰণ হ’ল কংগ্ৰেছৰ অমিল। গতিকে কংগ্ৰেছে দলত ঐক্য আনিব পাৰে নে নোৱাৰে সেয়া গুৰুত্বপূৰ্ণ হ’ব। ৰাহুল গান্ধীয়ে বিজয় ভাষণত কৈছিল যে এফালে ক্ৰ’নি-পুঁজিপতিসকলৰ ক্ষমতা আছে, আৰু আনফালে দুখীয়া সাধাৰণ জনতাৰ শক্তি আছে – আৰু শক্তিয়ে ক্ষমতাক পৰাস্ত কৰিলে।
তদুপৰি, তেওঁ কয় যে সকলো ৰাজ্যই ইয়াৰ সাক্ষী হ’ব – কংগ্ৰেছে দুখীয়াৰ লগত হাতে হাতে থিয় দিব আৰু দুখীয়াৰ সমস্যাক লৈ নিৰ্বাচন চলাব। এই ভাষণে দেখুৱাইছে যে কংগ্ৰেছে যে এক শক্তি লাভ কৰিছে, আগবাঢ়ি যোৱাৰ বাবে এক নতুন মনোযোগ আহৰণৰ বাবে উৎসাহ লভিছে। কংগ্ৰেছে যদি পদক্ষেপ লয় আৰু দিয়া প্ৰতিশ্ৰুতিসমূহ কাৰ্যকৰী কৰে তেন্তে সেয়া তাৎপৰ্যপূৰ্ণ হ’ব।
সেয়েহে কংগ্ৰেছে যদি তেওঁলোকৰ ভাল কাম অব্যাহত ৰাখে, সঁচাই কাৰ্যকৰী কৰে, আৰু দেশখনে শক্তিশালী নীতিগত বিৰোধিতা লাভ কৰে, তেন্তে আগন্তুক ২০২৪ চনৰ ৰাষ্ট্ৰীয় নিৰ্বাচনত দৃশ্যমান পৰিৱৰ্তন দেখা যাব পাৰে।
যদি কংগ্ৰেছে আন দলক একেলগে একত্ৰিত কৰি আগবাঢ়ি যাব পাৰে, কাৰ্য্যকৰী বিকল্প আনিব পাৰে, আৰু ইতিবাচক এজেণ্ডা আনিব পাৰে, তেন্তে ক্ষমতাৰ ৰাজদন্ড সলনি হোৱা চাবলৈ চোৱাটো আকৰ্ষণীয় হ’ব।
[কাকলি দাসৰ মূল ইংৰাজী লেখাৰ অসমীয়া ভাঙনিঃ অৰবিন্দ ৰাভা ]
Images from different sources
Mahabahu.com is an Online Magazine with collection of premium Assamese and English articles and posts with cultural base and modern thinking. You can send your articles to editor@mahabahu.com / editor@mahabahoo.com ( For Assamese article, Unicode font is necessary)